SAN LUCAS 9:5 - Lengua Sur (Enxet) Nuevo Testamento

⁵ Agkok kólmáxchek takha' nátegma kélwánxa enxoho, kólántep sat ma'a, kólpalches sat kélmagkok xóp ánek, yakwayam enxoho metnatchesek peya ellegásesagkohok Dios xa énxet'ák nak.

SAN LUCAS 9:5 Referans Kwoze

LOS HECHOS 18:6

Wánxa agkok, apkenmexchek axta eyke énxet'ák Pablo, apwanyeyha axta nahan; ékeso eñamakxa appaxnexcheyncha'a axta aptaxno Pablo magkenatcheso megkalcha apwáxok aptamhágkaxa énxet'ák. Aptahak axta apkeláneya s'e: —Kéxegke kélagko' sat kañék kélmassegwayam, háwe sat eñama ko'o. Sat ay'ókxak kaxwo' ko'o m'a énxet'ák metnaha nak judíos.

LOS HECHOS 13:51

Keñe axta appalchesa xóp elyepetche apmagkok Pablo tén han Bernabé magkenatcheso megkalcha apwáxók aptemésesakxa m'a énxet'ák, keñe axta apkelmahágko m'a tegma apwányam Iconio.

SAN MARCOS 6:11

Agkok kólmaxchek takha' mók yókxexma kélwánxa enxoho, mopmenyék agkok nahan yeyxhok kéltenneykha énxet, kólántep sat ma'a, kólpalches sat kélmagkok xóp ánek, yakwayam enxoho metnatchesek peya ellegásesagkohok Dios xa énxet'ák nak.

SAN LUCAS 10:16

“Enxet'ák ektahakxa enxoho apháxenmo kéltenneykha kéxegke, yeyxhok nahan ko'o xa sekpeywa; énxet'ák aptaknawe enxoho kéxegke, hetaknók nahan ko'o xa; énxet ektahakxa enxoho setaknagko ko'o, aptaknókek nahan ma'a aptaha axta seyáphaso.”

SAN LUCAS 9:48

Aptahak axta apkeláneya s'e: —Enxet ektahakxa enxoho apchápeykha s'e sakcha'a nak eñama apxeyenma ko'o sekwesey, heyahapmakha nahan ko'o xa; keñe énxet ektahakxa enxoho seyápeykha ko'o, yahapmakha nahan ma'a aptaha axta seyáphaso ko'o. Enxet meyke nak kéláyo kélnepyeseksa kéxegke, cháxa ektahakxa ekyawe kéláyo xa.

SAN MARCOS 9:37

—Enxet ektahakxa enxoho apchápeykha sakcha'a eñama apxeyenma ko'o sekwesey, heyáhapmakha nahan ko'o xa; keñe m'a énxet ektaha nak seyápeykha ko'o, meheyáhapmakha exakko' ko'o, yáhapmakha nahan ma'a aptaha axta seyáphaso ko'o.

SAN LUCAS 5:14

Aptahak axta apcháneya Jesús se'e: —Ná eltennaha aksa; exeg, ey'ókxa aphakxa m'a énxet appasmo nak apkelmaxnéseso Dios énxet'ák apagkok yakwayam exekmósakpekxoho, esakxoho sat nahan aksok negmésamol'a Dios ekhawo m'a apkeltémókxa axta antehek Moisés eñama apcháxñeykekxoho exchep, yakwayam enxoho elya'asagkohok apyókxoho énxet aptakmelwokmo exchep ma'a ektémakxa axta apháxamap.

SAN MATEO 10:18

kawomhok sat nahan kélnaklo kéxegke nápakta'awo' ma'a kelwese'e nak yókxexma tén han nápakta'awo' ma'a kelwese'e apkelwányam nak, ko'o eñamakxa; keñe sat kólxének kéxegke amya'a ektakmela ekxeyenma nak ma'a aptémakxa nak Wese' apwányam Dios nápakta'awo' xa énxet'ák nak, tén han nápakta'awo' ma'a énxet'ák melya'áseyak nak Dios.

SAN LUCAS 9:4

Tegma kélwánxa enxoho, kólhamho sat ma'a ekwokmoho kélxegákxo enxoho makham mók nekha.