SAN LUCAS 9:12 - Lengua Sur (Enxet) Nuevo Testamento

¹² Xama axta ektaxnakmo, apya'awékxeyk axta doce apkeltámeséyak aphakxa Jesús. Aptahak axta apcháneya s'e: —Eláphés énxet yakwayam enxoho ellókasekxak apkelyampé, tén han etegyagkok aptéyak ma'a nátegma, cham'a apheykegkaxa nak énxet eyágketexa, hakte méko aksok se'e yókxexma nak.

SAN LUCAS 9:12 Referans Kwoze

SAN MATEO 15:23

Axta yátegmowagkok Jesús. Keñe axta apyepetchegwákxoho apkeltámeséyak, aptahak axta apcháneya s'e: —Yának katakhohok xa kelán'a nak, kelpáxamokmek nentámen.

SAN JUAN 6:1

Apmeyákxeyk axta Jesús neyp wátsam ekpayhegwayam ekwesey nak Galilea cham'a kéltémakxa nak han Tiberias, natámen xa.

SAN MATEO 15:32

Apkelwóneyha axta Jesús apkeltámeséyak, aptahak axta apkeláneya s'e: —Apyósekak ko'o sélano xa énxet'ák nak, hakte antanxo ekhem wokmok apheykha s'e sekhakxa nak, méko nahan aptéyak. Momenyék ko'o aláphaksek apxanák yetlo metéyak aptéyak, hakte káhapwakxak katnehek xama náxet ámay.

SAN MATEO 14:13

Xama axta apleg'a amya'a Jesús, keñe axta apxega apxakko', yántakpayhe axta apchántak apmahágko mók nekha. Wánxa agkok, apkelleg'ak axta eyke amya'a énxet'ák, apkelxegkek axta náxop apkemhágko.

SAN LUCAS 9:11

Xama axta apkelleg'a amya'a énxet'ák, apkemhágkek axta; apkelápeyha axta Jesús xa énxet'ák nak, apkeltennáseyha axta m'a aptémakxa nak Wese' apwányam Dios, apkeltakmelchesakmek axta anhan énxet apkelháxamap.

SAN LUCAS 9:13

Aptahak axta apkeláneya Jesús se'e: —Kólmés kéxegke aptéyak. Aptahak axta apkeltámeséyak apkelátegmowágko s'e: Cinco pan akke aksa apyetna negko'o keñe ánet kelasma, apkeltamhok enxeykel'a antegyásekxak negko'o aptéyak apyókxoho xa énxet'ák nak.

FILIPENSES 1:19

hakte ekya'ásegkok ko'o peya hewagkasek teyp ekyókxoho xa setnamakxa nak ko'o, eñama m'a selmaxnéseso nak cha'a kéxegke, tén han eñama sepasmo m'a Espíritu apkeñama nak Jesucristo.