SAN LUCAS 8:40 - Lengua Sur (Enxet) Nuevo Testamento

⁴⁰ Xama axta apwákxo Jesús mók nekha wátsam ekpayhegwayam, yetlo elpayheykekxa apwáxók axta apmak takha' énxet'ák apwákxo m'a, hakte apyókxoho énxet axta apkelhaxnak ma'a.

SAN LUCAS 8:40 Referans Kwoze

SAN MARCOS 5:21

Xama axta apwákxo Jesús neyp wátsam ekpayhegwayam yetlo apchánte yántakpayhe, apchaknákxeyk axta énxet apxámokma apkenmágkaxa, keñe axta Jesús apha m'a neyáwa.

SAN MATEO 9:1

Apchánteyk axta Jesús yántakpayhe natámen xa, apyeykhákxeyk axta neyp wátsam ekpayhegwayam, apwákxeyk axta nátegma aphamakxa axta.

SAN MARCOS 6:20

Apcháyak axta wese' Herodes ma'a Juan, hakte apya'ásegkok axta aptaha énxet appéwomo, tén han aptaha appagkanamap, apmasmeyk axta anhan cha'a Herodes. Atsek axta cha'a yeyxhok Herodes Juan apkeltenneykha, apleg'ak axta agkok cha'a, mey'asagkek axta cha'a ektahakxa elchetamso apwáxok.

LOS HECHOS 10:33

Ekeso eñamakxa seláphasa axta ko'o xa énxet'ák nak, yakwayam ektamok xép, ektakmelakxoho agko' apxegakmo exchep. Kaxwo', negháha negyókxoho s'e nápakto' Dios. Egmenyék ageyxhok negko'o ekyókxoho m'a apkeltamho axta Wese' egegkok hẽltennaksek negko'o exchep.

SAN JUAN 5:35

Máxa axta Juan ma'a chálewaso eyálewe elsáseykmohol'axma, yakwatakxoho axta leyawok kélwáxok kéxegke elseyexma apagkok.

SAN LUCAS 19:48

Axta eyke eteyeykekxak yakweykenxa etnehek yakhek Jesús, hakte apyókxoho énxet'ák axta aptakmelchesamók apháxenmo ektémakxa apkeltenneykha Jesús.

SAN LUCAS 19:6

Ñohok axta apnextegánto Zaqueo, yetlo ekpayheykekxa apwáxok axta anhan apmak takha' Jesús.

SAN LUCAS 5:1

Apkenmáha axta Jesús neyáwa wátsam ekpayhegwayam ekwesey nak Genesaret, apchahapwokmek axta énxet apxámokma apmáheyo axta yeyxho' Dios appeywa.

SAN MARCOS 12:37

¿Háxko katnehek etnehek Mesías David aptáwen neptámen, apkeltéma enxoho David Wese' apagkok ma'a Mesías? Atsek axta aphaxnawo Jesús apkeltenneykha m'a énxet'ák apxámokma axta.

SAN LUCAS 8:39

—Emyekxa' apxagkok, eltennaha sat ekyókxoho aptemésesakxa nak xép Dios. Aptakhákxeyk axta xa énxet nak, apkeltennáha axta anhan nepyeseksa tegma ekyókxoho aptemésesakxa axta Jesús.