SAN LUCAS 8:35 - Lengua Sur (Enxet) Nuevo Testamento

³⁵ Apkelxegkek axta énxet apteyánegwokmoho m'a ektahakxa axta. Xama axta apkelwokmo aphakxa Jesús, apwetágwokmek axta apha ekpayhókxa Jesús apmagkok ma'a énxet elántepa axta kelyekhama' apwáxok. Yetlo apkelnakta axta aphak ma'a, yetlo apya'áseykegkoho exma axta anhan. Apkelakak axta xa énxet'ák nak.

SAN LUCAS 8:35 Referans Kwoze

SAN LUCAS 10:39

Yetneyk axta xama yáxeg Marta ekwesey axta María, hakmek axta ekpayhókxa Jesús apmagkok xa, yakwayam enxoho keyxhok apkeltenneykha.

1 SAN JUAN 3:8

keñe m'a énxet ektahakxa enxoho apkelané mólya'asáxma, cháxa kelyekhama' énxet agkok xa, hakte kelyekhama' axta elané amonye mólya'asáxma sekxo' agko'. Axta keñamak apwaya Dios Apketche xa, yakwayam emasésak ektémakxa axta aksok elané kelyekhama'.

LOS HECHOS 22:3

“Judío ko'o, cha'a sekteyekemxa m'a tegma apwányam Tarso yókxexma Cilicia, akke sekwáneykemxa s'e tegma apwányam Jerusalén, eltámesamaxchék axta ko'o, Gamaliel axta selxekmóso, ekyetlókasegkek axta seltámesamaxche m'a ektémakxa axta ẽlyepmeyk nano' segánamakxa apagkok. Elenxáneykmek axta ko'o atnehek sekyetleykha Dios ekweykmoho kañók agko' ewáxok, ekhawo kéltahakxa nak kaxwo' kélyókxoho kéxegke keso negwánxa nak.

SAN LUCAS 8:27

Xama axta apteyapwokmo Jesús ma'a, nátegma axta apkeñamak aptepa xama énxet kelyekhama' ektawáseykha apyo'ókmo Jesús. Wenaktémok axta apweynchámeykha meyke apáwa, axta anhan exmak kañe' tegma, neyseksa takhaxpopeyk axta aksa aphak.

SAN LUCAS 15:17

Nano' axta entemék ektemegweykmo elchetamso apwáxok se'e: ‘¡Apxámok táta apkeláneykha m'a apxagkok, yeykhágweykmók nahan aptéyak, keñe ko'o seyakhama meyk se'e!

SAN LUCAS 2:46

Antanxo ekhem axta entemék étamso, keñe axta ekwetágwokmo m'a kañe' tegma appagkanamap, nepyeseksa énxet'ák apkelxekmóso apnámokkok ektémakxa segánamakxa axta aphak, aphaxnawók axta kéltennáseykha, apkelmaxneyáha axta anhan cha'a.

SAN MARCOS 5:15

Xama axta apkelwokmo énxet'ák aphakxa Jesús, apwetágwokmek axta apha énxet elántaxnama axta apwáxok kelyekhama' ekxámokma yetlo apkelántaxno, tén han ekha apya'áseykegkoho. Apkelakak axta anhan.

SAN MATEO 4:24

Ekyókxoho yókxexma Siria axta apxénamakpok Jesús, kélnaklókasegkek axta ekyókxoho ektémakxa nak elmasagcha'a apkelháxamap, tén han ma'a ekyókxoho ektémakxa nak apkellegeykegkoho ekmáske, tén han ma'a kelyekhama' eknaktawáseykha nak, tén han ma'a énxet'ák apkeletsapeykekxoho axta cha'a, tén han ma'a énxet'ák megkamopwána axta cha'a eltakheykha. Apkeltakmelcheseykmek axta cha'a Jesús xa.

SAN LUCAS 8:34

Xama axta apkelwet'a énxet'ák ektaha axta apkeltakmelcheso yátapomap, apkenyahágkek axta apkelmeyákxo apkeltennágweykxo m'a nátegma, tén han ma'a nepyáwa tegma apwányam.