SAN LUCAS 8:21 - Lengua Sur (Enxet) Nuevo Testamento

²¹ Aptahak axta apchátegmowágko Jesús se'e: —Kéxegke ektahakxa enxoho kélmáheyo kóleyxhok Dios appeywa, tén han kóllának ma'a eltémókxa nak antehek, cha'a méme ahagkok ko'o m'a, tén han elyáxeg.

SAN LUCAS 8:21 Referans Kwoze

SANTIAGO 1:22

Kóllána cha'a m'a ektémakxa nak amya'a kéllegaso, nágkólteme kélháxenmo aksa, hakte megkólakhémo kélagko' kóltehek kéxegke kéltahakxa, kéltaha enxoho kélháxenmo aksa.

SAN JUAN 13:17

Kélyekpelchawók agkok kéxegke xa aksok selana nak, kéllanak agkok nahan, kéleñémo sat kóltehek kéxegke.

3 SAN JUAN 1:11

Eyáxeg seyásekhayo, ná étlakxa aksa ekmaso nentémakxa nak, akke étlakxa m'a nentémakxa ektakmela nak. Negko'o ektahakxa enxoho nenlané aksok ektakmela, nentemék negko'o Dios énxet'ák apagkok, keñe m'a énxet apkelané nak aksok ekmaso, meteyk Dios ma'a.

1 SAN JUAN 2:29

Kéméxchek nahan kólya'asagkohok kéxegke aptaha Dios apketchek ma'a énxet'ák apkelané nak nentémakxa ekpéwomo, hakte kélya'ásegkok kéxegke aptaha appéwomo m'a Jesucristo.

2 CORINTIOS 6:18

ko'o sat nahan atnehek Kélyap kéxegke, keñe sat kéxegke atnehek étchek, aptahak appeywa m'a Wese' egegkok ekha nak apyennakte.”

SAN LUCAS 8:15

Aktek ekpálwayam axta ektakmelakxa xóp ekyetchesamaxkoho m'a énxet'ák ektakmela nak apwáxók, emawhok nahan yeyxhok amya'a kéltenneykha, elyahakxohok nahan, meyensemek nahan apteme mey'áseyam, tásek nahan katnehek ekteyapma apkelyakmagkaso apkeltémakxa, ekhawo m'a aksok ekyexna eknakxamáxche nak.

2 CORINTIOS 5:16

Ekeso eñamakxa megkaxnawo nak kaxwo' elchetamso egwáxok negko'o m'a ektémakxa nak elchetamso apwáxok énxet keso náxop, cham'a nentaha enxoho negyekpelchémo xama énxet. Axta entemék cha'a negko'oxa ekxeyenma egwáxok Cristo m'a ektémakxal'a ekxeyenma apwáxók énxet'ák apheykha nak keso náxop, massék eyke kaxwo' ektaha ekxeyenma egwáxok negko'o xa ektaha nak.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

SAN MATEO 25:40

Keñe sat etnehek yátegmowagkok Wese' apwányam se'e: ‘Eltennásek ko'o kéxegke elyáxeg ahancha'awók meleymákpoho kéltemésesama xa ektaha nak, ko'o nahan eltemesesók xa ektaha nak.’

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

SAN MATEO 28:10

Aptahak axta apkeláneya Jesús se'e: —Néhelé', kóltennásekxa elyáxeg'a, kólána elmeyekxak ma'a Galilea, sat heteyágwakxak ma'a.

SAN MATEO 25:45

Keñe sat etnehek yátegmowagkok Wese' apwányam se'e: ‘Eltennásek ko'o kéxegke kéltemésesama nak cha'a énxet'ák ahagkok meleymákpoho xa ektaha nak, eltemésesegkek nahan ko'o xa mehelpasmoma xa ektaha nak.’

SAN LUCAS 8:20

Kéltennásekxeyk axta Jesús: —Yókxexma kenmáha egken yetlo apkelyáxeg, keltamhok kótak xép.