SAN LUCAS 7:34 - Lengua Sur (Enxet) Nuevo Testamento

³⁴ Keñe axta anhan apwa'a m'a aptaha nak Apketche énxet, aptamo nak apto, apyamo nak han vino, kélxénchek kéxegke aptaha megyéso etwok apto, tén han megyéso ének vino, tén han kélxéna kéxegke aptaha apkelásekhayókxa m'a énxet elmasagcha'a nak apkeltémakxa, tén han ma'a énxet'ák apkelma nak selyakye yakwayam kólmések wese' Roma.

SAN LUCAS 7:34 Referans Kwoze

SAN LUCAS 15:2

Apkelpakmeteyha axta énxet'ák fariseos, tén han ma'a énxet'ák apkelxekmóso axta apnámokkok ektémakxa segánamakxa. Aptahak axta apkelpakmeta s'e: —Apkelápeyha nak énxet'ák melya'asáxma xa énxet nak, aptókok nahan xamo' aptéyak.

SAN JUAN 12:2

Keláneyxchek axta ektámáxche m'a yakwayam etáswók Jesús; Marta axta ekmelásekté nento, Lázaro axta anhan aphak ma'a nekha mésa, aptókok axta xamo' apto Jesús.

SAN LUCAS 19:7

Xama axta apwet'a apyókxoho énxet xa, apyamatcháseyha axta Jesús, apxénákpek axta Jesús peya exnók énxet mey'asáxma apxagkok.

SAN LUCAS 14:1

Aptaswokmek axta apto Jesús xama apkemha apmonye fariseo apxagkok, cham'a ekhem apkellókasamakxa axta apkelyampé, apháha axta anhan nápakha énxet'ák fariseos apmoko elanha aptahakxa Jesús ma'a.

SAN LUCAS 7:36

Xama énxet fariseo axta apcháneyáha Jesús yakwayam etáswók apto apxagkok. Apmahágkek axta Jesús apxagkok xa énxet nak. Apheyk axta nekha mésa Jesús,

SAN LUCAS 5:29

Nano' axta entahak apkelana Leví ektámáxche ekwányam apxagkok yakwayam yesawáseshok Jesús. Apxámok axta anhan apkelwokmo m'a énxet'ák ektaha axta apkelma selyakye yakwayam kólmések wese' Roma, tén han ma'a pók énxet'ák nak. Apheyk axta xamo' Jesús nekha mésa xa énxet'ák nak.

SAN MATEO 9:11

Xama apwet'a énxet'ák fariseos xa, aptahak axta apkelmaxneyeyncha'a Jesús apkeltámeséyak se'e: —¿Yaksak ektaha aptóko nak xamo' apkelxekmóso kéxegke énxet'ák apkelmomo nak selyakye yakwayam egkések wese' Roma, tén han ma'a énxet'ák melya'asáxma nak?

SAN JUAN 2:2

Apcháneyakpek axta anhan Jesús yetlo apkeltámeséyak epásegwók xa sẽlyamhopma nak.

SAN LUCAS 11:37

Xama axta apkelwátesa apkeltenneykha Jesús, apcháneyáha axta etáswók apto apxagkok xama énxet fariseo. Aptaxnegwokmek axta Jesús ma'a, aphakmek axta nekha mésa.

SAN MATEO 5:46

Kélásekha'awók agkok aksa kéxegke m'a apkelásekhayókxa nak kéxegke, megkólxakyek sat aksok kélxawé naksa kéltaha enxoho xa. Hakte weykmók nahan aptamhéyak énxet'ák apchánchesáseykekxohol'a selyakye wese' Roma xa ektaha nak.

SAN MATEO 11:19

keñe nahan apwa'a m'a aptaha nak Apketche énxet aptómo nak apto, apyamo nak han vino, apxénákpek nahan aptaha megyéso etwok apto, tén han megyéso ének vino, tén han apxénákpo aptaha apkelásekhayókxa m'a énxet elmasagcha'a nak apkeltémakxa, tén han ma'a énxet'ák apkelma nak selyakye yakwayam egkések wese' Roma. Wánxa agkok, Dios apya'ásegwayam axta eyke keñamak ekwetamaxko ektéma ekyókxoho xa.”

SAN LUCAS 7:33

Apwa'ak axta Juan el Bautista aptaha axta meto apto, tén han meya vino, kélxénchek axta kéxegke ekyetna kelyekhama' apwáxok.

SAN LUCAS 7:35

Kataxkohok cha'a ektaha nakso' ma'a negya'ásegwayam eñama nak Dios eñama m'a énxet'ák ektaha nak apkeláneyak xa negya'ásegwayam nak.”