SAN LUCAS 6:6 - Lengua Sur (Enxet) Nuevo Testamento

⁶ Mók ekhem sábado apkellókasamakxa apkelyampé énxet'ák judíos axta aptaxnegwokmok Jesús apchakneykekxexa énxet'ák judíos, apkelxekmósek axta anhan énxet'ák. Apheyk axta xama énxet kañe' apchakneykekxexa énxet'ák judíos, ekyamé apmek ekpayhókxa apkelya'asamakxa axta m'a;

SAN LUCAS 6:6 Referans Kwoze

SAN JUAN 5:3

Apxámok axta cha'a etnohok énxet'ák apkelháxamap xa cinco kélpakxeneyak nak, meyke apakta'ák tén han ma'a meyke aptaknák nak, tén han ma'a énxet megkamopwána nak eltakheykha. Náxop axta cha'a apheykegkok xa. Apkelhaxneykegkek axta cha'a kalpaktépok yegmen xa énxet'ák apkelháxamap nak.

SAN LUCAS 4:31

Apmeyákxeyk axta Jesús tegma apwányam Capernaum apyetnama axta m'a yókxexma Galilea, ekhem apkellókasamakxa apkelyampé énxet'ák judíos axta m'a, apkelxekmósa axta Jesús énxet'ák.

SAN LUCAS 4:16

Apmeyákxeyk axta Jesús tegma apwányam Nazaret, cham'a tegma apwányam apwáneykenxa axta. Aptaxnegwokmek axta apchakneykekxexa énxet'ák judíos ekhem sábado, apkellókasamakxa axta apkelyampé, ekhawo m'a aptémakxa axta cha'a Jesús. Apkenmáha axta peya elyetsetek ektémakxa eknaktáxésamaxche weykcha'áhak.

SAN MATEO 4:23

Apsawhekxók axta apweynchámeykha Jesús ma'a yókxexma Galilea, elxekmóshok axta cha'a énxet'ák apchakneykekxexa judíos ekyókxoho yókxexma. Eltennaha axta cha'a tásek amya'a ekxeyenma m'a aptémakxa nak Wese' apwányam Dios, eltakmelchesamhok axta cha'a énxet ekxámokxoho ektémakxa nak apkelháxamap, tén han ma'a ekyókxoho ektémakxa nak apkellegeykegkoho ekmáske.

SAN JUAN 9:16

Aptahak axta apkelpakmeta nápakha fariseos se'e: —Enxet ektaha nak apkelané xa megkañamak Dios, hakte metnahak apcháyo ekhem nellókasamakxa nelyampé. Keñe axta anhan nápakha énxet aptaha apkelpakmeta s'e: —¿Háxko katnehek elának aksok sempelakkaso agweta' aptaha enxoho mey'asáxma? Cháxa ektahakxa axta apkexpáncháseykpo énxet'ák xa.

SAN LUCAS 14:3

Apkelmaxneyáha axta Jesús énxet'ák apkelxekmóso nak apnámokkok ektémakxa segánamakxa, tén han ma'a énxet'ák fariseos, aptahak axta apkeláneya s'e: —¿Hẽlhoya antakmelchesók xama énxet apháxamap ekhem sábado nellókasamakxa nak nelyampé, mehẽlho' enxeykel'a?

SAN LUCAS 13:10

Apkelxekmósek axta Jesús énxet'ák kañe' apchakneykekxexa énxet'ák judíos ekhem sábado apkellókasamakxa axta apkelyampé énxet'ák judíos;

SAN LUCAS 6:1

Xama ekhem apkellókasamakxa apkelyampé énxet'ák judíos axta apweynchámeyha Jesús neyseksa aksok kélcheneykekxexa. Apnakxégkek axta Jesús apkeltámeséyak hótahap apyexna, apkelhexyawásesek axta anhan apaktek keñe axta aptókagko.

SAN LUCAS 6:5

Aptahak axta nahan Jesús se'e: —Apwanchek elának aksok ekhem nellókasamakxa nelyampé ektaha nak Apketche énxet.