SAN LUCAS 6:47 - Lengua Sur (Enxet) Nuevo Testamento

⁴⁷ Altennaksek sat kéxegke aphawo m'a énxet ektaha nak sey'eykekta ko'o, yeyxhok nahan sekpeywa, keñe elának ma'a sektahakxa enxoho seyáneya:

SAN LUCAS 6:47 Referans Kwoze

SAN LUCAS 11:28

Aptahak axta apchátegmowágko Jesús se'e: —¡Akke nakso' apkeleñémo m'a énxet apháxenmo nak Dios appeywa, tén han ma'a apkelyaheykekxoho nak ektémakxa!

SAN JUAN 14:15

“Elásekha'awók agkok ko'o kéxegke, kólyahakxoho sat ma'a seltémókxa nak kóltehek.

SANTIAGO 4:17

Negko'o ektahakxa enxoho negya'áseykegkoho nenlané aksok ektakmela, keñe manlanye', nenlanak mólya'asáxma nentaha enxoho xa.”

SAN MATEO 12:50

Enxet ektahakxa enxoho apkelané m'a apmopmenyého nak Táta apha nak néten, cha'a aptaha eyáxeg ko'o m'a, tén han elyáxeg kelwán'ák, tén han méme ahagkok ko'o m'a.

SAN JUAN 13:17

Kélyekpelchawók agkok kéxegke xa aksok selana nak, kéllanak agkok nahan, kéleñémo sat kóltehek kéxegke.

1 SAN PEDRO 2:4

Kólyo'ókxa kéxegke Wese' egegkok Jesús aptaha nak meteymog megkamassegwayam, cham'a apyamasma axta énxet'ák, keñe axta Dios aptaha apkelyéseykha xa meteymog nak, ekxeyenma nahan apwáxok ektaha ektakmalma agko'.

HEBREOS 5:9

Xama axta apsawhawo apkelana Cristo m'a yakweykenxa axta elána' eñama apteme xa ektaha nak, aptemék axta eñamakxa apkelwagkásamap teyp megkatnegwayam enéxa apyókxoho énxet ektaha nak apkelyaheykekxoho.

APOCALIPSIS 22:14

Apkeleñémo agko' énxet apkelyenyeso nak apkelnakta, hakte kaphemmok sat yakwayam etawagkok ekyexna m'a yámet ekyennaktésamo nak egnenyek, elepwának sat nahan elántexek ma'a tegma apwányam nak.

SAN LUCAS 14:26

“Elya'aweyktek agkok kéxegke eyesextoho enxoho selásekhayo, keñe kólásekhohok kélagko' ma'a kélyap, tén han ma'a kélchána, tén han ma'a kélnakteyegka'a, tén han ma'a kélketchek nak, tén han ma'a kélyáxeg nak, tén han ma'a kélyáxeg kelwán'ák nak, tén han ma'a kélásekhamáxkoho kélagko' nak, megkólwanchek kóltehek seltámeséyak.

1 SAN JUAN 3:7

Etchek selásekhayo, nágkólho aksa kólyexanchesha xama enxoho: énxet ektahakxa enxoho apkelané ekpéwomo nentémakxa, cháxa aptaha énxet ekpéwomo aptémakxa xa, ekhawo m'a ektémakxa nak appéwomo Cristo;

1 SAN JUAN 2:29

Kéméxchek nahan kólya'asagkohok kéxegke aptaha Dios apketchek ma'a énxet'ák apkelané nak nentémakxa ekpéwomo, hakte kélya'ásegkok kéxegke aptaha appéwomo m'a Jesucristo.

SAN JUAN 10:27

Ekpelkohok cha'a ko'o sekpeywa m'a ektaha nak seknaktóso nekkések, alyekpelkohok nahan ko'o xa, hétlók nahan ma'a sekmahágkaxa enxoho.

2 SAN PEDRO 1:10

Elyáxeg kólenxánem keytek kélwáxok kéxegke xa hakte apkelwóneyha axta kéxegke Dios, apkelyésáha axta anhan kéxegke. Kéltemék agkok xa ektaha nak, megkóltemekxék sat cha'a.

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

SAN JUAN 6:35

Aptahak axta apkeláneya Jesús se'e: —Ko'o sekteme pan apyennaktésamo nak apnenyek énxet, kéxegke ektahakxa enxoho sey'eykekta' ko'o, megkakhekxék sat cha'a meyk, keñe m'a ektahakxa enxoho mehey'áseyam ko'o, megkakhekxék sat cha'a ekhem.

SAN JUAN 5:40

megkólmenyék eyke helyo'ótak kéxegke yakwayam kólwetak xa ekyennakte egnenyek megkatnegwayam enéxa nak.

SAN LUCAS 8:13

Aktek ekpálwayam axta neyseksa meteymog ekyetchesamaxkoho m'a énxet'ák apkellegé nak tásek amya'a, ñohok nahan emok heykxa yetlo ekpayheykekxa apwáxók, wánxa agkok megkeytek eyke kañók agko' apwáxók amya'a kéllegaso. Yakwatakxoho etnehek mey'áseyam, wa'ak agkok ekyekkónma, elwátesagkok apteme melya'áseyam.

SAN LUCAS 8:8

Wánxa agkok, pálwokmek axta nekha aktek ektakmelakxa xóp; kektegkek axta anhan, tekkesek axta anhan ektakmela eknakxamáxche ekyexna m'a, cien aktek axta cha'a wokmok xama ekyexna.” Cháxa apxéna axta Jesús xa, keñe axta anhan aptaha apyennaktésawo appeywa s'e: “¡Kéxegke ekha nak kélheyk'ák, kóleyxho!”

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

SAN JUAN 8:52

Aptahak axta apkelátegmowágko judíos se'e: —Nakso' nentemesásak kaxwo' negko'o ekyetna apwáxok xép kelyekhama'. Apketsepmeyk axta Abraham, apsawhomakpók nahan apkeletsapma m'a énxet'ák ektaha axta apkellegaso Dios appeywa, keñe exchep aptaha appeywa s'e: ‘Enxet ektahakxa enxoho apkelyaheykekxoho sekpeywa, megyetsepek sat.’

SAN LUCAS 6:48

exhok ma'a énxet apkeláneya axta tegma apkexakhama axta xóp, axta appekkenak ekyennaktéso tegma apowhak ma'a meteymog ekyetnama axta kañe' xóp. Tekkek axta yegmen wátsam, tegwokmek axta cha'a elyakyahayam xa tegma nak, wánxa agkok, axta eyke kaktásak, hakte tásek axta apkelánamap tegma.