SAN LUCAS 6:41 - Lengua Sur (Enxet) Nuevo Testamento

⁴¹ “¿Yaksak ektaha kéllano nak kéxegke kélyáxeg ekyéxakxo pa'at nekha, yagkaxénak kélwáxok ekyetna yámet nekha ekyawe ekyéxakxo kéxegke?

SAN LUCAS 6:41 Referans Kwoze

SAN JUAN 8:7

Apkelenxanakmók axta eyke apkelmaxneyeykha Jesús xa énxet'ák nak, keñe axta apkempákxo makham néten Jesús, aptahak axta apkeláneya s'e: —Apyetneyk agkok kélxama kéxegke melané mey'asáxma xama enxoho, eyenhe apmonye meteymog xa kelán'a nak.

SANTIAGO 1:24

étak ma'a ektémakxa nápát, keñe m'a appeynchákpo enxoho kalwagkámak ektémakxa nápát.

ROMANOS 2:1

Ekeso eñamakxa megkeytna exchep yakwánxa etnehek appeywa yátegmowagkok amya'a apxénamap, megkeyxek ma'a aptémakxa enxoho exchep, aptaha nak cha'a apyekpelchémo aptémakxa pók. Aptemék agkok cha'a exchep apyekpelchémo pók, apsexnánémap apagko' etnehek xép xa, hakte kaxhok xép xa apkelané aksok ma'a ektémakxa nak apkeláneyak énxet'ák.

SAN MATEO 7:1

“Nágkólteme aksa kélyekpelchémo aptémakxa kélmók, yakwayam enxoho metnehek apyekpelchémo Dios kéltémakxa kéxegkáxa.

SAN LUCAS 6:40

Metnehek apyeykhágweykmoho apkelxekmóso m'a énxet ektaha nak kélxekmóso: apsawhegwokmek agkok ektémakxa apkeltámesamap, keñe exnágwakxohok ma'a ektaha axta apkelxekmóso.

SAN LUCAS 6:42

Agkok kólyekpelchak kéxegke ekyetna yámet nekha ekyawe ekyéxakxo kélaktek, ¿Yaksak ektaha megkólaka nak kéltaha kéláneya kélyáxeg se'e?: ‘Egyáxeg, hegho anlekkesek ekyéxakxo pa'at nekha ekyetna nak kélaktek’? ¡Kéxegke kélmeyókásamáxkoho nak kéltémakxa. Kóllek sekxo' yámet nekha ekyawe ekyéxakxo ekyetna nak kélaktek, keñe sat kólewának kóllekkesek pa'at nekha ekyéxakxo m'a kélyáxeg!

SAN MARCOS 8:7

Antawók axta anhan ekyetna kelasma étkók, apmések axta anhan Jesús ekxeyenma apwáxok Dios eñama xa kelasma étkók nak, apkeltamhok axta anhan kólmelaskok.