SAN LUCAS 6:30 - Lengua Sur (Enxet) Nuevo Testamento

³⁰ Kélmaxneyaxchek agkok aksok kéxegke, kólmés, nágkólmaxnegwakxa' aksa kélmók apyementama enxoho aksok kélagkok.

SAN LUCAS 6:30 Referans Kwoze

2 CORINTIOS 8:9

Hakte kélya'ásegkok kéxegke Wese' egegkok Jesucristo, aptemesásamákpo axta meyke aksok apagkok kéxegke eñamakxa, xámok axta eykhe aksok apagkok ma'a néten, yakwayam enxoho kóltehek kéxegke ekxákma aksok kélagkok eleñama nak néten, eñama m'a aptemesásamap axta Cristo meyke aksok apagkok, eñama nahan ma'a ektémakxa nak segásekhayo.

LOS HECHOS 20:35

Alxekmóshok axta cha'a kéxegke eyéméxko antehek nentamheykha xa, ampasmok ma'a énxet'ák ekha nak eyéméxchexa aksok yetlo ekxeyenma egwáxok aptémakxa axta appeywa Wese' egegkok Jesús se'e: ‘Kapayhekxak cha'a egwáxok negmésa enxoho aksok egmók, kaxnók ma'a nenxawé nak aksok.’ ”

SAN MATEO 6:12

Ná eyakmagkásekxa aksa aksok ekmaso nenlané nak negko'o, ekhawo nentémakxa nak negko'o magyakmagkáseykekxa cha'a sentemésesakxa ekmaso egmók.

SAN LUCAS 18:22

Xama axta apleg'a Jesús xa, aptahak axta apchátegmowágko s'e: —Xama aksok kéméxchek elának xép: ekxeykxa m'a ekyókxoho aksok apagkok ekyetnakxa nak xép, elmés ma'a énxet meyke aksok apagkok nak. Keñe sat keytek xép ekxákma aksok apagkok ma'a néten. Exyem sat makham, keñe sat hétlawha.

SAN LUCAS 12:33

Kólchexeykxa aksok kélagkok, kólmés ma'a énxet meyke nak aksok apagkok; kóllenxánem kólwetak ma'a yágkentamáhak megkatné nak ápak, tén han kólxámasagkok aksok kélagkok meyke néxa m'a néten, cham'a megkapwagkexa nak etxek énxet apmenyexma tén han megkatamakxa nak cha'a aksok askok.

SAN LUCAS 11:41

Kólmés kéxegke énxet'ák meyke aksok apagkok ekyetno nak kañe', keñe sat kasawhaxkohok ekteme eláxñeyo.

SAN LUCAS 6:38

Kólmés aksok kélmók, keñe sat egkések kéxegkáxa aksok Dios. Exámáseshok sat kéxegke aksok apméso Dios ektémol'a yágkentamáhak ektakmela kélxata aksok, cham'a kélyakhápeykegkohol'a yakwayam kalánho. Ekwánxa enxoho kélyetsáteyak aptémakxa kélmók kéxegke, sat nahan exnéshok Dios apkelyetsáteyak kéltémakxa kéxegke xa.”

SAN MATEO 18:35

Aptahak axta anhan appeywa Jesús se'e: —Sat nahan etnésesek kéxegke Táta apha nak néten xa, cham'a kélyakmagkáseykxo enxoho aptemésesakxa kélmók, cham'a eyéméxko nak eykhe kóltehek ekmámnaksoho megkólyakmagkáseykekxa aptemésesakxa.

EFESIOS 4:28

Enxet apmenyexmo axta, elwatés apmenyexma, etneykha, etakmelchesho nahan apkelané m'a aptamheykha, yakwayam enxoho keytek apmésakxa aksok ma'a énxet meyke nak aksok apagkok.

SAN MATEO 5:39

Wánxa agkok, ektahak ko'o seláneya kéxegke s'e: Nágkólenmexekxa aksa kéltemésesakmoho enxoho exma; wánxa agkok, kéltekpagkasek agkok kélmáxempenek, kólmés nahan ma'a mók kélmáxempenek.

SAN LUCAS 6:29

Kéltekpagkasek agkok kélmáxempenek kéxegke, kólmés nahan ma'a mók kélmáxempenek; kélyementegkek agkok kélaklamaxche, kólho nahan kólyementók ma'a kéltaxno.

SAN LUCAS 6:31

Kólhésho mók ma'a kélámenyexa enxoho kéxegke etnésesek kélnámokkok.