SAN LUCAS 6:25 - Lengua Sur (Enxet) Nuevo Testamento

²⁵ “¡Kéxegke sat laye kélyakkanakmoho nak keso kaxwo' nak, hakte meyk sat kalnápok! “¡Kéxegke sat laye kéllektegmeyncha'a nak keso kaxwo' nak, hakte kóllekxagwaha sat eñama ellapwámeyak!

SAN LUCAS 6:25 Referans Kwoze

SANTIAGO 4:9

¡Kallapwomák, kóllekxagwaha nahan! ¡kóllekxagwaha yakwayam enxoho kayakmagkasek ma'a ektémakxa nak kéllektegmeykha, kallapwomák yakwayam enxoho kayakmagkasek ma'a ektémakxa nak ekpayheykekxa kélwáxok!

APOCALIPSIS 3:17

Apxénchek xép aptaha ekxákma aksok apagkok, tén han apxéna ektakmela apha, apxénchek nahan xép méko eyéméxchexa xama aksok; akke ékpelchak xép aptaha megyásekhamap, tén han aptaha apmopyósa apagko', tén han meyke aksok apagkok, meyke apakta'ák, tén han aptaha meyke apáwa.

1 TESALONICENSES 5:3

Aptemék sat agkok apkelpeywa énxet'ák se'e: “Méko ektahakxa negheykha”, keñe sat katlakkasek aksa kawak kélmaseseyam xa énxet'ák nak, ekhawo ektémakxal'a káskok awáxok kelán'a amonye ektegkeso étche; mopwanchek sat nahan elegketakpok xa énxet'ák nak.

EFESIOS 5:4

Nágkólteme nahan ekmaso kélpeywa, tén han ma'a nempeywa ekyéháxma nak, tén han ma'a ekmanyása nak nempeywa; hakte megkapayhawok antehek nempeywa xa ektaha nak; akke tásek ma'a nelteméseso nak apcheymákpoho Dios.

SAN LUCAS 13:28

Sat kóllekxagwaha kéxegke m'a, kóltakxek sat nahan kélma'ák eñama kéllegeykegkoho ekmáske, cham'a kélwet'a sat Abraham, Isaac, Jacob, tén han ma'a apyókxoho énxet'ák apkellegaso axta Dios appeywa apheyncha'a enxoho m'a aptémakxa nak Wese' apwányam Dios, cham'a kélántekkesa sat yókxexma kéxegke.

SAN LUCAS 12:20

Aptahak axta Dios apcháneya s'e: ‘Enxet ekyéháxma. Yetsapok sat xép keso axta'a nak. ¿Yaksak sat kaxkekxak ma'a aksok apagkok apkeltakmelchesama nak?’

SAN LUCAS 8:53

Apyókxoho énxet axta eyke apya'ásekmok, hakte apkelya'ásegkok axta étsapa m'a.

SAN LUCAS 6:24

“¡Kéxegke sat laye ektaha nak ekxákma aksok kélagkok, hakte yetneyk kéxegke aksok ekpeykesáseykekxa kélwáxok!

SAN LUCAS 6:26

“¡Kéxegke sat laye ektaha nak kélxénamaxche ektakmela; hakte cháxa aptemésesamakxa axta énxet'ák apkeltemesásamakpo axta Dios appeywa apkellegaso apyepmeyk nano' xa énxet'ák nak!