SAN LUCAS 6:24 - Lengua Sur (Enxet) Nuevo Testamento

²⁴ “¡Kéxegke sat laye ektaha nak ekxákma aksok kélagkok, hakte yetneyk kéxegke aksok ekpeykesáseykekxa kélwáxok!

SAN LUCAS 6:24 Referans Kwoze

1 TIMOTEO 6:17

Yána sat metnehek eleymáxkoho apwáxok énxet'ák ekxákma nak aksok apagkok keso náxop, yána sat megyáseneykxék ma'a ekxákma nak aksok apagkok, hakte kamassegwomhok cha'a xa. Akke tásek kólásenneykxak ma'a Dios segyeykháseseykmoho nak segméso ekyókxoho aksok yakwayam agmaha yetlo ekmátsa egwáxok.

SAN MATEO 6:2

“Kélpasmeyk agkok kéxegke m'a énxet'ák ekha nak eyéméxchexa aksok, nágkóltekkesha aksa amya'a ekyókxoho yókxexma, nágkólteme apkeltémakxal'a énxet'ák apkelmeyókásamákpohol'a apkeltémakxa, cham'a apchakneykekxexa nak judíos tén han ma'a ámay nepyeseksa tegma apwányam nak, yakwayam enxoho katakmelek apkelxénamap xa énxet'ák nak. Apkelxakék aksok apkelxawé naksa eñama aptamhéyak xa. Nakso' xa sektahakxa nak seláneya kéxegke.

SANTIAGO 2:6

Kélwanyawok eyke kéxegke m'a énxet'ák meyke nak aksok apagkok. ¡kélwese'e neykhe m'a apnaktawáseykegkoho nak kéxegke, cham'a apkelyegeykegkohol'a nahan enaklók kéxegke nápakto' segyekpelchémo!

SAN MATEO 6:16

“Agkok kóltáwak kélto kélpeykáso Dios, nágkayakhapmakha aksa kélwáxok, nágkólteme aksa aptamheykegkaxal'a énxet'ák apkelmeyókásamákpohol'a apancha'awók apkeltémakxa, máxa katnehek ma'a elyakhápencha'a enxoho apwáxók yakwayam enxoho étak énxet'ák apkelpeykáso Dios yetlo metéyak aptéyak. Apkelxawágkek aksok apkelxawé naksa eñama aptamhéyak xa. Nakso' xa sektahakxa nak seláneya kéxegke.

SAN MATEO 6:5

“Kéltemék agkok kéxegke nempeywa nelmaxnagko, nágkólteme aksa m'a aptamheykegkaxa nak énxet'ák apkelmeyókásamákpoho nak apancha'awók apkeltémakxa, cham'a apmáheyol'a etnamha kañe' apchakneykekxexa judíos aptaha enxoho nempeywa nelmaxnagko, tén han etnegwók ma'a máseyak yókxexma apheykegkaxal'a énxet'ák, yakwayam enxoho kataxchek aptahakxa. Apkelxakék aksok apkelxawé naksa eñama aptamhéyak xa. Nakso' xa sektahakxa nak sekpeywa seláneya kéxegke.

SAN LUCAS 6:25

“¡Kéxegke sat laye kélyakkanakmoho nak keso kaxwo' nak, hakte meyk sat kalnápok! “¡Kéxegke sat laye kéllektegmeyncha'a nak keso kaxwo' nak, hakte kóllekxagwaha sat eñama ellapwámeyak!