SAN LUCAS 6:22 - Lengua Sur (Enxet) Nuevo Testamento

²² “Kéleñémo agko' kéxegke kéltaknaweyxko enxoho nepyeseksa énxet'ák, tén han ma'a kéltekkesa enxoho nepyeseksa énxet'ák, tén han ma'a kélxénáxko enxoho kéltaha ekmaso kéltémakxa kéxegke eñama m'a aptaha nak Apketche énxet.

SAN LUCAS 6:22 Referans Kwoze

SAN MATEO 10:22

Apyókxoho énxet sat etaknók kéxegke ko'o eñamakxa; wánxa agkok, ewagkasakpok sat eyke teyp ma'a énxet apkelenxánekmoho nak apyennaktésamo apteme mehey'áseyam ko'o ekwokmoho néxa.

1 SAN PEDRO 3:14

Peyk agkok kóllegagkohok makham kéxegke eñama kéllané m'a kéltémakxa ekpéwomo nak, kéleñémo sat kóltehek kéxegke. Nágkólé' aksa xama énxet enxoho, nágkatneykha nahan kélwáxok,

SAN JUAN 16:2

Kólántekkesek sat kéxegke apchakneykekxa nak judíos, keñe sat kammok nahan ekhem yakwánxa nak yának elának énxet ma'a ekleklamókxa nak apwáxok antehek Dios, cham'a apkennapa enxoho kéxegke xa énxet'ák nak.

SAN JUAN 7:7

Mopwanchek etaknók kéxegke énxet'ák apkeleñamakxa apagko' nak keso náxop; hetaknawhok eyke ko'o, hakte tásek ko'o sekxekmóso eyesagko m'a aksok apkeláneyak nak.

SAN JUAN 12:42

Wánxa agkok, apxámok axta énxet'ák judíos apteme melya'áseyam Jesús; weykmók axta anhan ma'a énxet'ák ekha nak kéláyo. Axta eyke exeyenmak nápakta'awo' énxet'ák, hakte énxet'ák fariseos axta apkelayék, yakwayam enxoho megkólántekkesek ma'a kañe' apchakneykekxexa nak énxet'ák judíos.

LOS HECHOS 24:5

Negya'ásegwokmek negko'o aptaha ekmaso aptémakxa s'e énxet nak, ekyókxoho yókxexma nahan aptekkásak apkexpanchásamap énxet'ák judíos xa, cháxa aptaha nak apkemha apmonye nepyeseksa m'a énxet'ák apkeltamhomakpo nak Nazarenos.

LOS HECHOS 9:16

Axekmósek sat ko'o yakwánxa katnehek ekyawe aplegeykegkoho m'a énxet nak, ko'o eñamakxa.”

SAN JUAN 17:14

Eltennáseyha axta ko'o exchep appeywa xa énxet'ák nak, wánxa agkok, aptaknagkamchek eyke énxet'ák apkelyetleykekxa nak ektémakxa náxop xa énxet'ák nak, hakte háwe apkeleñamakxa apagko' keso náxop, ekhawo nak han ko'o xa magwañamak keso náxop.

SAN LUCAS 21:17

apyókxoho énxet sat etaknók kéxegke ko'o eñamakxa;

SAN MATEO 10:39

Kéxegke ektahakxa enxoho kélmasma ektémakxa nak kélyennakte, kamassegwók sat, wánxa agkok kéxegke ektahakxa enxoho kéletsapma eñama ko'o, kólwagkasaxchek sat teyp.

LOS HECHOS 22:22

Axta néxa kélháxenmo appeywa Pablo xa; keñe axta aptaha apkelyennaktésawo apkelpeywa énxet'ák s'e: “¡Megkeyméxchek etepagkok cha'a xa énxet nak! ¡Kólmasésem neyseksa apha keso náxop!”

SAN JUAN 9:34

Aptahak axta makham apcháneya énxet'ák fariseos kaxwé apweteykekxaxma s'e: —Xép apteme apteyam yetlo ekyawe mey'asáxma. ¿Yaksak ektaha apmoko nak hẽlxekmósek negko'o? Keñe axta kéltekkesa kañe' kélakneykekxexa.

SAN LUCAS 20:15

Kéltekkesek axta neyseksa kélcheneykekxexa anmen yámet xa, teyp namyep axta anhan apmátegwokmok. “¿Háxko ektahakxa ekxeyenma kélwáxok kéxegke yakwánxa etnésesek ektaha apagkok kélcheneykekxexa anmen yámet xa énxet'ák nak?

SAN MATEO 10:18

kawomhok sat nahan kélnaklo kéxegke nápakta'awo' ma'a kelwese'e nak yókxexma tén han nápakta'awo' ma'a kelwese'e apkelwányam nak, ko'o eñamakxa; keñe sat kólxének kéxegke amya'a ektakmela ekxeyenma nak ma'a aptémakxa nak Wese' apwányam Dios nápakta'awo' xa énxet'ák nak, tén han nápakta'awo' ma'a énxet'ák melya'áseyak nak Dios.

SAN LUCAS 6:21

“Kéleñémo agko' kéxegke elnapma nak meyk keso kaxwo' nak, hakte kólyakkanmohok sat. “Kéleñémo agko' kéxegke kéllekxagweyncha'a nak keso kaxwo' nak, hakte kóllektegmaha sat natámen xa.

SANTIAGO 1:12

Apkeleñémo énxet ektaha nak apkelenmáxamákpoho ekyekkónma yetlo apwaskápeykekxoho, hakte apyeyk'ak agkok ektémakxa aksok ekyekkónma, exkak sat ekyennakte apnenyek apxawé naksa, ektaha nak aksok ektakmela, cham'a apxeyenma axta egkések Dios ma'a ektaha nak apchásekhayo.