SAN LUCAS 5:26 - Lengua Sur (Enxet) Nuevo Testamento

²⁶ Apyókxoho énxet'ák axta pelakkásak apkelwet'a xa, apkelpeykásók axta anhan Dios, apchekakxoho axta anhan aptahak apkelpeywa s'e: —Sakhem negwet'a negko'o aksok eltakmela agko' magwetaya nak katnehek.

SAN LUCAS 5:26 Referans Kwoze

SAN MATEO 9:8

Xama axta apwet'a énxet'ák xa, apkelakak axta, apkeltemésesek axta anhan apcheymákpoho Dios eñama apméso apmopwána énxet'ák.

SAN LUCAS 7:16

Xama axta ekwetáxko xa, apyókxoho énxet axta nahan apchekak, yetlókók axta apkelpeykesamo Dios. Aptahak axta apkelpakmeta s'e: —Dios appeywa aplegaso meyke ekhémo aptépak negyeseksa negko'o. Aptahak axta anhan apkelpakmeta s'e: —Dios apwa'ak yakwayam epasmok énxet'ák apagkok.

LOS HECHOS 4:21

Kélmések axta kélpeywa ekyennakte Pedro tén han Juan, wánxa agkok, kélchexeykxék axta eyke. Axta elya'ásegkok yakwánxa etnahagkok ellegásesagkohok, hakte apyókxoho énxet'ák axta apkelpeykásók Dios, axta keñamak ma'a ektahakxa axta.

SAN LUCAS 8:37

Apyókxoho énxet'ák apheykha yókxexma Gerasa axta apkeltamhok emhagkok mók nekha Jesús, hakte apkelakak axta. Apchántakxeyk axta makham Jesús yántakpayhe, apxegkek axta.

SAN LUCAS 5:8

Xama axta apwet'a Simón Pedro xa, apkeltekxekwokmek axta aptapnák apkenmágkaxa Jesús. Aptahak axta apcháneya s'e: —¡Wese', neyhepetchegwoho aksa, may'asáxma ko'o!

SAN MARCOS 2:12

Yetlókók axta apheykekxa néten nápakta'awo' énxet'ák, apmákxeyk axta aptaháno, aptekkek axta m'a. Ekeso eñamakxa ekpelakkasa axta apkelwet'a apyókxoho énxet'ák xa. Aptahak axta apkelpeykáso Dios se'e: —Magweteyk makham negko'o katnehek xa ektaha nak.

SAN MATEO 28:8

Kelpekheyásók axta eltakhémo kelán'ák elenyekto m'a takhaxpop, yetlo elmeneykha axta, tén han yetlo elpayheykekxa awáxók, naktémagkakxók axta anhan eltennáseykxo apkeltámeséyak.

SAN MATEO 12:23

Aptahak axta cha'a apkelmaxneyeyncha'a pók apyókxoho énxet'ák ekpelakkasa apkelwet'a s'e: “¿David apketche enxeykel'a xa?”

GÁLATAS 1:24

Apkeltemésesek axta apcheymákpoho Dios xa énxet'ák nak, ko'o eñamakxa.

SAN LUCAS 1:65

Apkelyegwakkek axta apyókxoho aphóxo, ekyókxoho yókxexma Judea ekxámakxa xóp elekháhéyak axta kéltennáha m'a ektahakxa axta.