SAN LUCAS 5:21 - Lengua Sur (Enxet) Nuevo Testamento

²¹ Entahak axta elchetamso apwáxók énxet'ák ektaha axta apkelxekmóso apnámokkok ektémakxa segánamakxa s'e, tén han ma'a fariseos: “¿Yaksak énxet xa aptéma nak, megyeye nak exének aksok elmexma Dios? Dios apwánxa apagko' apmopwána meyakmagkásekxék nentémakxa mólya'asáxma.”

SAN LUCAS 5:21 Referans Kwoze

SAN JUAN 10:33

Aptahak axta apkelátegmowágko judíos se'e: —Magmokók negko'o ólyetnak xép meteymog eñama m'a aksok ektakmela apkelané nak, akke nentaknawasásak negko'o exchep ma'a appeywa ektaha nak enmexeykha Dios. Enxet apagko' xép, apheyásekpók eyke Dios.

SAN LUCAS 7:49

Aptahak axta cha'a apkelmaxneyeyncha'a pók énxet'ák ektaha axta kéláneyeykha, apheyncha'a axta m'a: —¿Yaksak énxet xa ekweykmoho nak meyakmagkáseykekxa nentémakxa mólya'asáxma?

SAN MATEO 26:65

Keñe axta apkelyepta aptaxno m'a énxet aptaha axta apkemha apmonye appasmo apkelmaxnéseso Dios énxet'ák apagkok magkenatcheso megkalcha apwáxok ma'a aptahakxa axta appeywa Jesús. Aptahak axta appakmeta s'e: —¡Enmexma Dios aptahakxa nak appeywa xa énxet nak! Megkeyméxchek kaxwo' antegyekxohok énxet ektaha apya'áseykegkoho aptémakxa. Kélleg'ak kéxegke aptahakxa nak appeywa enmexéncha'a Dios;

ROMANOS 8:33

¿Yaksak sat awanchek kasexnenak ma'a ektaha nak Dios apkelyéseykha? Dios apteméseso apkelpéwomo xa.

SAN LUCAS 5:17

Xama ekhem axta apkelxekmowásak Jesús énxet'ák, apháha axta anhan nápakha fariseos ma'a, tén han ma'a énxet'ák apkelxekmóso nak apnámokkok ektémakxa segánamakxa. Ekyókxoho apheykegkaxa énxet yókxexma Galilea axta apkeleñamak xa, tén han ma'a yókxexma Judea, tén han apkeleñama m'a tegma apwányam Jerusalén. Wetáxchek axta ekyetna Dios apmopwána m'a Jesús, cham'a apkeltakmelchesakmo axta apkelháxamap.

SAN MATEO 9:3

Aptahak axta apkelyexcháseykpoho énxet'ák aptaha axta apkelxekmóso ektémakxa segánamakxa s'e: “Enmexma Dios xa aptahakxa nak appeywa xa énxet nak.”

SAN LUCAS 3:8

Kóltakmelches kéltémakxa yakwayam enxoho kataxchek yáxñakxoho kélyakmagkaso kélwáxok. Nágkóltemegwakxa' nahan kélpeywa kéxegke s'e: ‘Negko'o nenteme Abraham aptawan'ák neptámen.’ Kawomhok Dios apmopwána etnésásekxak Abraham aptáwen neptámen se'e meteymog nak. Nakso' xa sektahakxa nak sekpeywa seláneya kéxegke.

SAN LUCAS 5:22

Apyekpelchawók axta eyke Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha, ektaha nak elchetamso kélwáxok kéxegke xa?