SAN LUCAS 5:17 - Lengua Sur (Enxet) Nuevo Testamento

¹⁷ Xama ekhem axta apkelxekmowásak Jesús énxet'ák, apháha axta anhan nápakha fariseos ma'a, tén han ma'a énxet'ák apkelxekmóso nak apnámokkok ektémakxa segánamakxa. Ekyókxoho apheykegkaxa énxet yókxexma Galilea axta apkeleñamak xa, tén han ma'a yókxexma Judea, tén han apkeleñama m'a tegma apwányam Jerusalén. Wetáxchek axta ekyetna Dios apmopwána m'a Jesús, cham'a apkeltakmelchesakmo axta apkelháxamap.

SAN LUCAS 5:17 Referans Kwoze

SAN LUCAS 6:19

Apyókxoho énxet axta apmokók cha'a epaknegwomhok Jesús, hakte apkeltakmelchesakmek axta apyókxoho énxet eñama apmopwána ektepa axta cha'a m'a Jesús.

SAN LUCAS 8:46

Aptahak axta eyke makham Jesús se'e: —Elpaknegwa'awók ko'o, hakte ekyekpelchawók ektepa sekmowána.

LOS HECHOS 19:11

Apkeláneyak axta cha'a Dios aksok sempelakkaso agko' nak agweta' eñama apchásenneykekxa m'a Pablo.

SAN MATEO 11:5

Kóltennasha sat Juan apkelwetákxoxma énxet'ák meyke nak apakta'ák, keñe apkelxegákxo m'a énxet meyke aptapnák nak, keñe anhan apkeltakmelwokmo m'a énxet ektamhéyak nak negmasé ektepelchamáxche egyempehek, keñe anhan apkellegákxoxma m'a énxet'ák meyke apeyk'ák nak, keñe anhan apnakxétekhágwokmo m'a énxet'ák apkeletsapma axta, keñe anhan kéllegasa amya'a segwagkasamo teyp ma'a énxet'ák meyke nak aksok apagkok.

LOS HECHOS 4:30

yána' óltakmelchesók énxet'ák apkelháxamap eñama m'a xép apmopwána nak, tén han anlának ma'a aksok magkenatcheso nak agweta', tén han ma'a aksok sempelakkaso nak agweta' eñama apwesey m'a Jesús, aptaha nak xép apchásenneykha appagkanamap.”

SAN MARCOS 7:1

Apyo'ókmek axta énxet'ák fariseos Jesús tén han ma'a énxet apkelxekmóso axta ektémakxa segánamakxa, apkelwokmo axta apkeleñama m'a Jerusalén.

SAN MARCOS 5:30

Apyekpelchék axta ektepa apmopwána Jesús, appeynchakpok axta apkelano énxet'ák. Aptahak axta apkelmaxneyeyncha'a s'e: —¿Yaksak ekpaknegwa'awo nak seyaklamaxche?

SAN MATEO 15:1

Apyo'ókmek axta Jesús nápakha énxet'ák fariseos tén han ma'a énxet apkelxekmóso axta ektémakxa segánamakxa, apkelwokmo axta apkeleñama m'a Jerusalén. Aptahak axta apkelmaxneyeyncha'a s'e:

SAN JUAN 3:21

Keñe m'a énxet'ák ektaha nak apkelyetlo amya'a ekmámnaksoho ey'ókxak cha'a xa elseyexma nak, yakwayam enxoho kataxchek ekhawo Dios apmopmenyého m'a ekyókxoho aksok apkeláneyak nak.

SAN LUCAS 2:46

Antanxo ekhem axta entemék étamso, keñe axta ekwetágwokmo m'a kañe' tegma appagkanamap, nepyeseksa énxet'ák apkelxekmóso apnámokkok ektémakxa segánamakxa axta aphak, aphaxnawók axta kéltennáseykha, apkelmaxneyáha axta anhan cha'a.

SAN LUCAS 15:2

Apkelpakmeteyha axta énxet'ák fariseos, tén han ma'a énxet'ák apkelxekmóso axta apnámokkok ektémakxa segánamakxa. Aptahak axta apkelpakmeta s'e: —Apkelápeyha nak énxet'ák melya'asáxma xa énxet nak, aptókok nahan xamo' aptéyak.

SAN LUCAS 7:30

axta eyke eltamhok eyakpásesagkok yegmen Juan ma'a énxet'ák fariseos, tén han ma'a énxet'ák apkelxekmóso nak apnámokkok ektémakxa segánamakxa. Cháxa ektahakxa axta megkalcha apwáxók apmokókxa axta eykhe etnésesek Dios xa énxet'ák nak.

SAN LUCAS 5:30

Apkelpakmeteyha axta eyke m'a énxet'ák fariseos, tén han ma'a énxet'ák ektaha axta apkelxekmóso ektémakxa segánamakxa, cham'a ektaha axta apkelxegexma'a apancha'awo'. Aptahak axta apkeláneya Jesús apkeltámeséyak se'e: —¿Yaksak ektaha kéltoko nak xamo' kéxegke énxet apkelmomo nak selyakye yakwayam kólmések wese' Roma tén han kélyenawo xamo' apyenéyak, tén han ma'a énxet'ák melya'asáxma nak?

SAN LUCAS 5:21

Entahak axta elchetamso apwáxók énxet'ák ektaha axta apkelxekmóso apnámokkok ektémakxa segánamakxa s'e, tén han ma'a fariseos: “¿Yaksak énxet xa aptéma nak, megyeye nak exének aksok elmexma Dios? Dios apwánxa apagko' apmopwána meyakmagkásekxék nentémakxa mólya'asáxma.”

SAN MARCOS 16:18

kólmok sat nahan cha'a yéwa; kélyenchek sat agkok nahan pánakte segakhamol'a, megkatnésesamok sat exma kéxegke; kólpaknegwomhok sat nahan ektamheyak enxoho negmasé, kaltakmelwók sat nahan.”

SAN MARCOS 3:22

Aptahak axta nahan apkelpakmeta énxet'ák apkelxekmóso axta apnámokkok ektémakxa segánamakxa s'e, cham'a apkelwokmo axta apkeleñama Jerusalén: “Beelzebú nak ekméso apmopwána elántekkesek kelyekhama' xa, cham'a ektaha nak kelyekhama' wese' agkok.”

SAN MARCOS 1:45

Wánxa agkok, apxegkek axta m'a énxet nak, yetlókók axta anhan apkeltennáseykha apyókxoho énxet ektahakxa axta. Ekeso eñamakxa megkapwagko axta cha'a aptaxnegwokmo Jesús nepyeseksa tegma, aphakmek axta aksa cha'a meykexa tegma, cham'a yókxexma meykexa énxet enxoho. Wánxa agkok, apyókxoho énxet'ák apkeleñama mók nekha axta eyke cha'a apkelmahágkok aphakxa apteyánegwokmoho.

SAN JUAN 3:10

Apchátegmowágkek axta Jesús, aptahak axta s'e: —Xép apteme apkelxekmóso énxet'ák Israel, ¿ya ey'ásegkok xa ektéma nak?

LOS HECHOS 5:34

Wánxa agkok, apheyk axta eyke xama fariseo nepyeseksa xa kelwese'e nak, Gamaliel axta apwesey m'a, apkelxekmóso ektémakxa segánamakxa axta m'a, apcháyókxa axta anhan apyókxoho énxet'ák. Apkempákxeyk axta néten nepyeseksa énxet'ák apkeltamho kólántekkesek sekxo' énxet'ák seykha amya'a m'a.