SAN LUCAS 4:31 - Lengua Sur (Enxet) Nuevo Testamento

³¹ Apmeyákxeyk axta Jesús tegma apwányam Capernaum apyetnama axta m'a yókxexma Galilea, ekhem apkellókasamakxa apkelyampé énxet'ák judíos axta m'a, apkelxekmósa axta Jesús énxet'ák.

SAN LUCAS 4:31 Referans Kwoze

SAN MATEO 4:13

Apyeyk'ak axta tegma apwányam Nazaret, axta eyke aphákxak ma'a tegma apwányam Capernaum, cham'a apyetnama nak neyáwa wátsam ekpayhegwayam, yókxexma apheykegkaxa axta Zabulón énxet'ák apagkok, tén han ma'a Neftalí.

LOS HECHOS 13:50

Wánxa agkok, apkelpakhetcháseykpók axta eyke énxet'ák judíos ma'a kelán'ák elpéwomo axta eltémakxa nápakto' Dios, cham'a kelán'ák kelwese'e nak, apkelpakhetcháseykpók axta nahan énxet'ák judíos ma'a kelwese'e nak tegma apwányam, apkelyáteyagkók axta apkeltamho kólmenxenmakha Pablo tén han Bernabé, yakwayam enxoho kólántekkesek xa yókxexma nak.

SAN MATEO 10:23

Kélmenxenáha sat agkok kéxegke xama tegma apwányam, kólmohok sat kólenyahagkok pók tegma apwányam; hakte ewatak sat aptaha nak Apketche énxet neyseksa megkólsawhomo kélmaheyak apyókxoho tegma apwányam yókxexma Israel. Nakso' xa sektahakxa nak seláneya kéxegke.

LOS HECHOS 18:4

Ekyókxoho ekhem nellókasamakxa nelyampé axta cha'a apmaheyak Pablo m'a apchakneykekxexa énxet'ák judíos, eltennasha axta cha'a xa énxet'ák nak, apkelenxáneykmek axta nahan cha'a elyakmagkasesek apwáxók ma'a énxet'ák judíos tén han ma'a metnaha nak judíos.

SAN LUCAS 4:23

Aptahak axta apchátegmowágko Jesús se'e: —Ekya'ásegkok peya kóltehek helának se'e: ‘Pánakte egyap, etakmelwomho apagko' xép.’ Kóltehek sat nahan helának se'e: ‘Elána nahan apchókxa m'a aksok nenleg'a axta negko'o amya'a apkelana m'a Capernaum.’