SAN LUCAS 4:16 - Lengua Sur (Enxet) Nuevo Testamento

¹⁶ Apmeyákxeyk axta Jesús tegma apwányam Nazaret, cham'a tegma apwányam apwáneykenxa axta. Aptaxnegwokmek axta apchakneykekxexa énxet'ák judíos ekhem sábado, apkellókasamakxa axta apkelyampé, ekhawo m'a aptémakxa axta cha'a Jesús. Apkenmáha axta peya elyetsetek ektémakxa eknaktáxésamaxche weykcha'áhak.

SAN LUCAS 4:16 Referans Kwoze

LOS HECHOS 17:2

Aptaxnegwokmek axta Pablo m'a apchakneykekxexa nak énxet'ák judíos, ekhawo aptémakxa axta cha'a ekyókxoho ekhem nellókasamakxa negyampé, antanxo semana axta weykmohok apkeltennáseykha énxet'ák. Appeykesáseykekxók axta m'a ektémakxa nak eknaktáxésamaxche,

SAN MATEO 2:23

Xama axta apwákxo m'a, aphakmek axta tegma apwányam Nazaret. Temegkek axta xa yakwayam enxoho katnehek ma'a apxeyenma axta katnehek énxet'ák aptaha axta Dios appeywa apkellegaso: cham'a ekmáheyo eltamhakpok Jesús apkeñama Nazaret.

SAN LUCAS 2:51

Keñe axta apkelyetlákxo enchána m'a tegma apwányam Nazaret, aphákxeyk axta yetlo apkelyaheykekxoho enchána m'a. Xéneykha axta awáxok egken ekyókxoho xa.

SAN LUCAS 2:42

Xama axta apwokmo doce apyeyam apagkok Jesús, sawhéxkok axta enchána elxega elmahágko m'a Jerusalén, hakte ektamheykegkaxa ancha'awo' axta ekwákxo enxoho m'a ekhem melwagkayam axta énxet'ák judíos.

SAN JUAN 18:20

Aptahak axta apchátegmowágko Jesús se'e: —Eltenneykha axta cha'a ko'o nápakta'awo' énxet'ák; Alxekmóshok axta anhan cha'a énxet'ák ma'a kañe' apchakneykekxexa nak énxet'ák judíos, tén han ma'a kañe' tegma appagkanamap, cham'a apchakneykekxexa nak cha'a apkelánamákpoho judíos; meyxamaxkohok cha'a ko'o sektémakxa nak cha'a sekpeywa.

SAN LUCAS 4:21

Aptahak axta appakmeta Jesús se'e: —Sakhem ektaha kélnepyeseksa kéxegke xa ektémakxa nak eknaktáxésamaxche weykcha'áhak kélleg'a exchek.

SAN LUCAS 2:39

Kelmeyákxeyk axta makham Jesús enchána tegma apwányam Nazaret yókxexma Galilea natámen eksawhomo elané m'a eltémókxa nak antehek segánamakxa, cham'a ektahakxa axta eleñemékxa.

SAN LUCAS 4:15

Elxekmóshok axta cha'a énxet Jesús kañe' apchakneykekxexa énxet'ák judíos ekyókxoho yókxexma apwánxa enxoho, tásek axta anhan cha'a katnehek apxeyenma énxet'ák.

SAN LUCAS 4:17

Isaías Dios appeywa aplegaso weykcha'áhak apagkok axta kélmeyásak kéltamho elyetsetek; xama axta apmeykesa weykcha'áhak, apwet'ak axta ektéma axta eknaktáxésamaxche s'e:

SAN LUCAS 4:23

Aptahak axta apchátegmowágko Jesús se'e: —Ekya'ásegkok peya kóltehek helának se'e: ‘Pánakte egyap, etakmelwomho apagko' xép.’ Kóltehek sat nahan helának se'e: ‘Elána nahan apchókxa m'a aksok nenleg'a axta negko'o amya'a apkelana m'a Capernaum.’