SAN LUCAS 3:8 - Lengua Sur (Enxet) Nuevo Testamento

⁸ Kóltakmelches kéltémakxa yakwayam enxoho kataxchek yáxñakxoho kélyakmagkaso kélwáxok. Nágkóltemegwakxa' nahan kélpeywa kéxegke s'e: ‘Negko'o nenteme Abraham aptawan'ák neptámen.’ Kawomhok Dios apmopwána etnésásekxak Abraham aptáwen neptámen se'e meteymog nak. Nakso' xa sektahakxa nak sekpeywa seláneya kéxegke.

SAN LUCAS 3:8 Referans Kwoze

LOS HECHOS 26:20

Eklegásek axta ko'o sekxo' apmonye'e amya'a eñama Dios ma'a énxet'ák apheykha nak tegma apwányam Damasco, keñe axta seklegasa nahan ma'a apyókxoho énxet'ák apheykha nak tegma apwányam Jerusalén, keñe axta anhan seklegasa m'a ekyókxoho yókxexma Judea, axta anhan eklegásak ma'a énxet'ák metnaha nak judíos, wának axta cha'a elyakmagkasek apwáxók, tén han etnekxak melya'áseyam ma'a Dios, eltémók axta anhan cha'a elanagkok ma'a nentamheykha eñama nak Dios, yakwayam enxoho kataxchek ektémakxa apkelyakmagkaso apwáxók.

SAN MATEO 21:43

Ekeso eñamakxa seltennasa nak kéxegke peya kólwatésesek kélteme kélpáxakxo m'a aptémakxa nak Wese' apwányam Dios, keñe sat exkekxak ma'a énxet'ák aptekkesamo nak ekyexna apkelhaxanma nak Dios.

FILIPENSES 1:11

Kalánhok sat kélwáxok kéxegke kéltémakxa ektakmela eñama apméso m'a Jesucristo, yakwayam enxoho kóltehek kéláyo Dios, tén han kóltemésesek apcheymákpoho.

ROMANOS 9:7

Háwe apyókxoho Abraham aptawan'ák neptámen aptamhéyak ekmámnaksoho Abraham apketchek, aptemegkek axta eyke Dios apkenagkama Abraham se'e: “Isaac sat yenyék aptekkeso aptawan'ák neptámen xép.”

ROMANOS 4:16

Ekeso eñamakxa nenxawaya axta aksa meyke ekyanmaga m'a appekkencháseykekxa axta appeywa Dios Abraham tén han ma'a aptawan'ák neptámen, yakwayam enxoho megkamassegwomek kéláyo, eñama segwetaso magya'áseyam. Háwe eyke ekwánxa agkok appekkencháseykekxa appeywa Dios ma'a énxet'ák apkelyaheykekxoho nak ektémakxa segánamakxa, akke nahan ma'a énxet'ák apteme nak melya'áseyam, ekhawo ektémakxa axta mey'áseyam Abraham. Cháxa ektahakxa axta aptaha Abraham egyap negyókxoho xa,

SAN LUCAS 19:40

Aptahak axta apchátegmowágko Jesús se'e: —Eltennásek ko'o kéxegke, apkelwanmeyágkek agkok xa énxet'ák nak, keñe kalpáxamha m'a meteymog.

SAN JUAN 8:33

Aptahak axta apkelátegmowágko énxet'ák se'e: —Negko'o nenteme Abraham aptawan'ák neptámen, mehẽltemésesók nahan negko'o nelmomaxche xama enxoho; ¿Yaksak ektaha apxéna nak xép peya hẽltemesesek mólmomaxche?

SAN JUAN 8:39

Aptahak axta énxet'ák apcháneya Jesús se'e: —¡Abraham negko'o egyap! Wánxa agkok, aptahak axta apchátegmowágko Jesús se'e: —Nakso' agkok kéltaha kéxegke Abraham apketchek, kóllána m'a apkeláneya axta cha'a Abraham.

SAN MATEO 3:8

Kólteme ektakmela kéltémakxa yakwayam enxoho kataxchek eyámnaksoho kélyakmagkaso kélwáxók.

SAN MATEO 3:9

Nágkaxén aksa kélwáxok kólwagkasaxchek teyp kéltaha enxoho kélxénáxkoho kélagko' se'e: ‘Negko'o nenteme Abraham aptawan'ák neptámen’; hakte kawomhok aptemesáseykekxa Dios Abraham aptawan'ák neptámen se'e meteymog nak. Nakso' xa sektahakxa nak seláneya kéxegke.

SAN LUCAS 5:21

Entahak axta elchetamso apwáxók énxet'ák ektaha axta apkelxekmóso apnámokkok ektémakxa segánamakxa s'e, tén han ma'a fariseos: “¿Yaksak énxet xa aptéma nak, megyeye nak exének aksok elmexma Dios? Dios apwánxa apagko' apmopwána meyakmagkásekxék nentémakxa mólya'asáxma.”

SAN LUCAS 13:25

Apkempákxeyk sat agkok néten ma'a ektaha nak apxagkok tegma, tén han ma'a apchápeykxo enxoho átog, sat kóltehek kélpeywa kéxegke kélchakneykha yókxexma s'e: ‘Wese', henlekkes negko'o átog.’ Wánxa agkok, sat etnehek yátegmowagkok Wese' s'e: ‘May'ásegkok ko'o kéleñamakxa kéxegke.’

SAN LUCAS 13:26

Keñe sat kóltehek kélpeywa kéxegke s'e: ‘Nenteykegkek axta nentéyak xamo' xép, negyeneykegkek axta anhan negyenéyak xamo', elxekmóshok axta anhan cha'a exchep énxet'ák ámay egagkok nepyeseksa tegma.’

SAN LUCAS 14:9

keñe ey'áwak kéxegke énxet ektaha axta apkeláneyeykha, etnehek nahan yának se'e: ‘Egkes aptaháno s'e pók nak.’ Keñe kólhamok kéxegke mók taháno yetlo kélmegkakto.

SAN LUCAS 19:9

Aptahak axta Jesús se'e: —Sakhem ekwa'a nelwagkásamáxche teyp se'e tegma nak, hakte Abraham aptáwen neptámen nahan se'e énxet nak.