SAN LUCAS 3:23 - Lengua Sur (Enxet) Nuevo Testamento

²³ Treinta apyeyam apagkok axta weykmok Jesús, cham'a apchénawo axta aptamheykha. José apketche axta apchánemakpok ma'a Jesús. Elí axta eyke apketche m'a José.

SAN LUCAS 3:23 Referans Kwoze

SAN MATEO 13:55

¿Háweya yántéseksek apkelanél'a apketche xa, háweya anhan egken ma'a María? ¿Háweya Santiago apepma' xa, tén han ma'a José, tén han ma'a Simón, tén han ma'a Judas?

LOS HECHOS 1:1

Eyáxeg Teófilo, ektáxésesek axta exchep ekyókxoho aksok apkelané axta Jesús, tén han ma'a ektémakxa axta apkelxekmóso sekxo' aptamheykencha'a, ekwokmoho nahan ma'a apmeyákxo axta néten, cham'a émha amonye sektáxéseso axta exchep weykcha'áhak. Apmések axta apkeltamhókxa etnehek apkelxekmóso amonye apxega Jesús ma'a énxet'ák seykha amya'a ektaha axta apkelyéseykha, eñama m'a Espíritu Santo.

SAN JUAN 6:42

Aptahak axta anhan apkelpakmeta s'e: —¿Háweya Jesús José apketchel'a xa? Negya'ásegkok negko'o m'a apyap, negya'ásegkok nahan ma'a egken. ¿Yaksak ektaha apxéna nak apwéweykento apkeñama néten?

SAN LUCAS 4:22

Apyókxoho énxet axta takmelak cha'a apxeyenma Jesús. Leyawók axta apwáxók énxet'ák apkelleg'a m'a ektahakxa axta aksok ektakmela apxeyenma Jesús. Aptahak axta cha'a apkelmaxneyeyncha'a pók se'e —¿Háweya José apketchel'a xa?

SAN MARCOS 6:3

¿Háweya yántéseksek apkelanél'a xa, María étchel'a, Santiago apepmal'a, tén han ma'a José, Judas, tén han ma'a Simón? ¿Enxoho anhan kaxneykha apkelyáxeg so negyeseksa nak negko'o? Axta keñamak megkólhaxno apkeltenneykha Jesús xa.

SAN MATEO 4:17

Apchénawók axta apkeltenneykha Jesús ma'a, aptahak axta s'e: “Kólyakmagkas kélwáxok, chágketwa'ak kaxwo' ma'a aptémakxa nak Wese' apwányam Dios.”

SAN MATEO 1:16

Jacob axta apketche m'a José, María atáwa, ektaha axta Jesús egken, neltéma nak negko'o Mesías.

SAN LUCAS 3:31

Melea axta eyke apketche m'a Eliaquim, keñe axta Mena apketche m'a Melea, Matata axta eyke apketche m'a Mena, Natán axta eyke apketche m'a Matata,

SAN MATEO 1:6

Isaí axta apketche m'a wese' apwányam David, keñe axta wese' apwányam David apketche m'a Salomón, axta egken ma'a aptéma axta aptáwa Urías.

SAN MATEO 1:1

Keso kélnaktáxeseyak nak apkelwesey m'a Jesucristo apyepmeyk nano' axta, cham'a Jesucristo aptaha axta David aptáwen neptámen, tén han aptáwen neptámen ma'a Abraham:

SAN LUCAS 2:48

Pelakkasek axta ekwet'a m'a enchána; entahak axta eyáneya egken se'e: —Hatte, ¿yaksak ektaha sentemésesama nak negko'o xa? Awanhek negko'o ekyetnakhayo egwáxok negketama exchep, apyap tén han ko'o.

SAN JUAN 1:45

Apxegkek axta Felipe apketama Natanael. Aptahak axta apcháneya s'e: —Negwet'ak negko'o m'a énxet aptáxesama nak apwesey Moisés weykcha'áhak eknaktáxésamaxchexa nak segánamakxa, cham'a aptáxesama nak han énxet'ák Dios appeywa apkellegaso apxeyenma m'a. Jesús apkeñama tegma apwányam Nazaret ma'a, José apketche.