SAN LUCAS 3:14 - Lengua Sur (Enxet) Nuevo Testamento

¹⁴ Nápakha sẽlpextétamo axta anhan aptahak apkelmaxneyeyncha'a s'e: —¿Yaksak eyéméxko anlának negko'oxa? Aptahak axta Juan apchátegmowágko s'e: —Nágkólyementem aksa énxet xama aksok enxoho yetlo kélmáheyo kóltemesesamhoxma, nágkólteme nahan kélmowána amya'a kólxének aksok apkelané énxet, yakwayam kólyementamok aksok apagkok; nágkólwañegkoho m'a ekwánxa nak kélxawé.

SAN LUCAS 3:14 Referans Kwoze

FILIPENSES 4:11

Akke axénak ekyetna ko'o eyéméxchexa aksok, hakte eltámeyak ko'o ektakmelcháseykekxa ewáxok ma'a aksok ekyetnakxa enxoho ko'o.

SAN LUCAS 19:8

Apkempákxeyk axta néten Zaqueo. Aptahak axta apcháneya Wese' egegkok se'e: —Wese', elano, amlaskok sat ko'o énxet meyke aksok apagkok nekha aksok ahagkok ekyetnakxa nak ko'o; ekmenyexchesegkek agkok nahan aksok apagkok xama énxet enxoho, ayeykhásesamhok sat sekmeyáseykekxa makham.

APOCALIPSIS 12:10

Ekleg'ak axta ko'o kélpeywa ekyennakte agko' ma'a néten. Entahak axta amya'a s'e: “Wa'ak kaxwo' nelwagkásamáxche teyp, tén han ma'a Wese' egegkok Dios apmopwána nak, wa'ak nahan kaxwo' negyeseksa m'a aptémakxa nak Wese' apwányam Dios, tén han ma'a ektémakxa nak kélyaheykekxoho Mesías apagkok; hakte kéltekkesegkek axta m'a elsexnenagkama axta ẽlyáxeg cham'a elsexnenagkama axta cha'a ekyókxoho ekhem, tén han ekyókxoho axta'a nápakto' ma'a Dios egagkok.

TITO 2:3

Hawók nahan ma'a kelán'ák elwányam nak, kéméxchek katnahagkok ma'a ektémakxal'a kelán'ák ekteme nak eyáyo Dios. Megkatnehek ma'a eltennágwayam aksa nak nátegma ekmowána amya'a, megkatnehek nahan ma'a anmenáto nak, kéméxchek kaxekmóshok ektakmela ektémakxa námokkok,

FILIPENSES 2:15

yakwayam enxoho megkataxchék ekyetna kéxegke kélsexnánemaxche tén han eyesógwayam kéllané xama aksok enxoho. Kólteme kéxegke Dios apketchek meyke elenchahamaxche kéltémakxa nepyeseksa xa énxet'ák elmasagcha'a nak apkeltémakxa, cham'a apkelxegányam nak. Máxa yaw'a kéltahak kélápogwata kéxegke nepyeseksa xa énxet'ák nak, keso náxop ekyaktésamakxa nak exma,

LOS HECHOS 10:7

Xama axta aptakháwo Dios apchásenneykha, cham'a appakhetchesa axta Cornelio, apkelwóneyha axta Cornelio apkánet apkelásenneykha tén han xama sẽlpextétamo, cham'a aptaha axta apcháyo Dios, ektaha axta anhan apcháyókxa Cornelio.

SAN MATEO 8:5

Xama axta aptaxnegwokmo Jesús ma'a tegma apwányam Capernaum, apyo'ókmek axta xama sẽlpextétamo apkemha apmonye romano apkeltamho epasmok.

SAN LUCAS 3:10

Keñe axta aptaha apkelmaxneyeyncha'a énxet'ák se'e: —¿Yaksak eyéméxko anlának negko'o?

SAN LUCAS 3:13

Aptahak axta apkeláneya Juan se'e: —Nágkólyeykhasagkoho aksa kélma selyakye m'a ekwánxa axta kéláneyáxko kólmok.