SAN LUCAS 24:46 - Lengua Sur (Enxet) Nuevo Testamento

⁴⁶ Aptahak axta apkeláneya s'e: —Xeyenmék eknaktáxésamaxche ekmáheyo yetsapok Mesías, tén han ekxeyenma ekmáheyo exátekhágwók antanxo ekhem;

SAN LUCAS 24:46 Referans Kwoze

SAN LUCAS 24:44

Keñe axta aptaha apkeláneya s'e: —Cha'a etnahak ko'o m'a sektémakxa axta seltennáseykha kéxegke sekhamakxa axta makham kélnepyeseksa: eltennasegkek axta cha'a kéxegke ekmáheyo kasawhaxkohok katnehek ma'a ekyókxoho ektémakxa nak eknaktáxésamaxche Moisés segánamakxa apagkok sexeyenma ko'o, tén han ma'a eknaktáxésamaxko axta énxet'ák Dios appeywa apkellegaso weykcha'áhak apagkok, tén han ma'a eknaktáxésamaxko nak Salmos.

SAN LUCAS 24:7

apxeyenma axta peya kólmések aptaha nak Apketche énxet ma'a énxet'ák melya'asáxma nak, tén han ekmáheyo kólyepetchesek aksok ektegyéso, apxeyenmék axta anhan exátekhágwók antanxo ekhem.

LOS HECHOS 17:3

apkeltennáseyha axta Pablo énxet'ák apxénamakpo yetsapok Mesías, tén han apxénamakpo exátekhágwók natámen apketsapma. Axta etnohok cha'a elának énxet'ák se'e: —Keso Mesías se'e Jesús seltennásencha'a nak kéxegke.

1 SAN PEDRO 1:3

Oltemésesek hana apcheymákpoho Dios, Jesucristo Wese' egegkok Apyap, entemésesek axta negko'o eghaxnancha'ák Dios eñama m'a ekyawe ektakmeleykha nak apwáxok henlano', eñama nahan ma'a apxátekhágwayam axta Jesucristo. Cháxa segmésa nak nelhaxneykha ektaha nak ekmámnaksoho agko' xa,

LOS HECHOS 4:12

Méko pók énxet ekyetna m'a nelwagkásamáxche teyp nak, hakte axta hegmeyásak negko'o Dios pók énxet yakwayam hẽlwagkasek teyp keso náxop.

SAN MATEO 26:24

Katnehek sat aptaha nak Apketche énxet ma'a ektémakxa nak ekxeyenma eknaktáxésamaxche weykcha'áhak; wánxa agkok, sagkók agko' sat eyke katnehek kéllegasáseykegkoho m'a ektaha nak apkeltémo emakpok aptaha nak Apketche énxet. Tásek axta eykhe metyemek xa énxet nak.

SAN JUAN 20:9

Hakte axta elya'ásegkok makham ma'a ektémakxa nak eknaktáxésamaxche weykcha'áhak ekxeyenma ekmáheyo exátekhágwók Jesús.