SAN LUCAS 24:41 - Lengua Sur (Enxet) Nuevo Testamento

⁴¹ Wánxa agkok, makhemek axta eyke apkelya'áseyam xa énxet'ák nak, eñama m'a elpayheykekxa axta apwáxók, tén han eñama m'a ekpelakkaso axta apkelweté. Aptahak axta apkelmaxneyeyncha'a Jesús se'e: —¿Yetneya nento, atwok sat ko'o?

SAN LUCAS 24:41 Referans Kwoze

SAN JUAN 21:5

Aptahak axta apkelmaxneyeyncha'a Jesús se'e: —Wokma'ák, ¿yagkólakhak kelasma? —Méko, axta aptahak apkelátegmowágko.

SAN JUAN 16:22

Hawók ektahakxa nak han kéxegkáxa elyakhápeykha kélwáxok keso kaxwo' nak; wánxa agkok, awatak sat eyke yakwayam alwetágwatak kéxegke, keñe sat kayawhok agko' elpayheykekxa kélwáxok, cham'a ekpayheykekxa egwáxok megkólmowána nak kólyementók.

SAN MARCOS 16:11

Xama axta apkelleg'a amya'a apxátekhágwokmo Jesús xa énxet'ák nak, cham'a ekxéna axta ekwet'a xa kelán'a nak, apkelya'ásekmek axta.

SAN MARCOS 16:13

Apkeltakhawok axta anhan xa, apkeltennáseykxeyk axta apkelxegexma'a, apkelya'ásekmek axta eyke nahan xa.

SAN MARCOS 16:14

Nano' axta entahak apxekmowáseykpekxoho nahan Jesús once apkeltámeséyak, cham'a apheyncha'a axta nekha mésa. Apkelpakhetchesek axta eñama m'a apkelya'áseyam axta, tén han eñama m'a elyennakte apwáxók axta, hakte apkelya'ásekmek axta apkelleg'a apkeltenneykha m'a ektaha axta apweté apxátekhágwokmo Jesús.

SAN LUCAS 24:11

Wánxa agkok, ektamhéyak ancha'awók axta eyke apkeneyk Jesús apkeltámeséyak xa ektahakxa axta eláneya, apkelya'ásekmek axta.

SAN LUCAS 24:40

Xama axta aptaha appeywa xa, apxekmósek axta apmék tén han apmagkok.

SAN LUCAS 24:42

Kélmések axta nekha kelasma kélyakxakxo,

LOS HECHOS 12:14

Xama axta ekyekpelchawo appeywa Pedro, takháwok axta aksa yetlo ekyawe ekpayheykekxa awáxok. Axta kameykásak átog. Ketchagkakxók axta aksa eltennáseykxo énxet'ák apkenmeyncha'a Pedro m'a átog.

SAN MARCOS 8:7

Antawók axta anhan ekyetna kelasma étkók, apmések axta anhan Jesús ekxeyenma apwáxok Dios eñama xa kelasma étkók nak, apkeltamhok axta anhan kólmelaskok.