SAN LUCAS 23:35 - Lengua Sur (Enxet) Nuevo Testamento

³⁵ Apháha axta énxet apkeláneyncha'a m'a, wokmók axta apkesméso Jesús ma'a énxet'ák apkelámha apmonye'e axta nepyeseksa judíos. Aptahak axta apcháneya s'e: —Apkelwagkasegkek axta teyp énxet, ewagkasakpoho apagko' teyp kaxwo' nak, eyámnaksoho enxoho aptaha Mesías apkeñama Dios, tén han ektaha enxoho Dios apkelyéseykha.

SAN LUCAS 23:35 Referans Kwoze

1 SAN PEDRO 2:4

Kólyo'ókxa kéxegke Wese' egegkok Jesús aptaha nak meteymog megkamassegwayam, cham'a apyamasma axta énxet'ák, keñe axta Dios aptaha apkelyéseykha xa meteymog nak, ekxeyenma nahan apwáxok ektaha ektakmalma agko'.

SAN LUCAS 16:14

Xama axta apkelleg'a énxet'ák fariseos ektaha axta apkelyekhásamákpoho apkelmopmenyého selyakye xa, apya'ásekmek axta apkelleg'a ektahakxa apkeltenneykha Jesús.

SAN MATEO 12:18

“Keso seyásenneykha ko'o s'e, ko'o axta selyéseykha, aptaha nak han seyásekhayo, leklamok nahan ewáxok aptémakxa. Agkések sat nahan ko'o Espíritu ahagkok, eltennasha sat nahan apyókxoho énxet'ák ma'a ekxeyenma nak ko'o ewáxok ektaha ekpéwomo.

SAN MATEO 3:17

Legáxchek axta kélpeywa eñama néten, entahak axta s'e: “Keso hatte seyásekhayo nak ko'o s'e, selyéseykha ahagko' axta.”

SAN LUCAS 23:13

Apchánchesákxeyk axta Pilato apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelmeykha nak apnámokkok, tén han ma'a apyókxoho énxet'ák.

SAN LUCAS 23:39

Xama énxet ekmaso aptémakxa apyexnamo xamo' Jesús axta apyamatcháseyha. Aptahak axta apcháneya s'e: —¡Nakso' agkok xép aptaha Mesías, ewagkasakpoho apagko' teyp, hẽlwagkas nahan negko'o xa teyp!