SAN LUCAS 23:34 - Lengua Sur (Enxet) Nuevo Testamento

³⁴ Aptahak axta Jesús se'e: —Táta, ná eyakmagkásekxa apkeltémakxa xa énxet'ák nak, hakte melya'ásegkok xa aksok apkelánégko nak. Xama aksok axta aptawásegkok sẽlpextétamo yakwayam enxoho katakmelhok apmelassamap Jesús aptaxno.

SAN LUCAS 23:34 Referans Kwoze

SAN MATEO 5:44

Akke ektahak ko'o seláneya kéxegke s'e: Kólásekhoho m'a énxet'ák apkenmexeykencha'a nak kéxegke, kólmaxnéses nahan ma'a énxet'ák ektahakxa enxoho apmenxeneykha kéxegke.

LOS HECHOS 7:60

Keñe axta apkeltekxeya aptapnák xóp. Aptahak axta apyennaktésawo appeywa s'e: “¡Wese', né eyakmagkásekxa aksa ektémakxa nak melya'asáxma xa énxet'ák nak!” Xama axta aptaha appeywa xa, yetlókók axta apketsapma.

1 SAN PEDRO 3:9

Nágkólhésho cha'a mók kéltemésesakxa ekmaso, nágkólhésho nahan mók ma'a kélwanyencha'a enxoho, wánxa agkok kólmaxnéses aksa yakwayam enxoho epasmok Dios, hakte apkelwóneyha axta kéxegke Dios yakwayam kólxawak aksok eltakmela eleñama néten.

ROMANOS 12:14

Kólmaxnéses énxet'ák apmenxeneykha nak kéxegke, kólána epasmok Dios. Kólmaxnéses, nágkóltakneyagkoho.

1 CORINTIOS 2:8

Cháxa melya'áseykegko axta kelwese'e náxop xa, kaxtemek axta apkelya'áseyak, megkólyepetchesek axta aksok ektegyéso Wese' egegkok ekha nak apcheymákpoho.

1 TIMOTEO 1:13

neyseksa axta eykhe enmexeykha sekpeywa Dios, ekyakmáseykha axta anhan, ekwanyeykha axta anhan, wánxa agkok, axta eyke eyakmagkásekxak sektémakxa ko'o Dios, hakte matnamakxa axta makham ko'o may'áseyam ma'a, axta anhan ay'áseykegkok ko'o m'a aksok seláneya axta.

LOS HECHOS 3:17

“Elyáxeg, ekya'ásegkok ko'o m'a ektémakxa axta kélakhama Jesús neyseksa megkólya'áseyak ektémakxa aksok apkelané, kéxegke, tén han ma'a apkelámha apmonye'e kélagkok nak.

1 CORINTIOS 4:12

tén han nelyampayo eñama nentamheykha. Hentakneyagkohok cha'a negko'o énxet, keñe cha'a negko'o agámenyéhok katakmelek ektahakxa énxet; ẽlmenxenáha agkok negko'o, ólenmaxaxkoho' aksa.

SAN MATEO 11:25

Keñe axta aptaha anhan appeywa Jesús se'e: “Eltemésesek ko'o apcheymákpoho exchep Táta aptaha nak Wese' néten, tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak.

SAN JUAN 19:11

Aptahak axta apchátegmowágko Jesús se'e: —Axta agkok egkeyásak xép Dios apmopwána hetnésesek ko'o xa, mopwanchek axta exchep hetnésesek apmokókxa enxoho hetnésesek; ékeso eñamakxa ekyawa nak mey'asáxma m'a aptaha axta apkenagko amaxchek ko'o, megkaxnawok mey'asáxma exchep.

SAN MARCOS 15:24

Keñe axta kélyepetchesa aksok ektegyéso. Aptawásegkek axta xama aksok sẽlpextétamo yakwayam emlasakpohok Jesús apkelnakta, yakwayam enxoho ey'asagkohok ma'a ekpehewayam enxoho yakwayam esakxa'.

SAN MATEO 11:26

Táta, nakso', cháxa ektahakxa axta apmopmenyého exchep xa.

SAN LUCAS 22:42

Aptahak axta se'e: “Táta, apmenyék agkok xép, hényókas ko'o s'e seklegeykegkoho ekyetchesamaxkoho nak aksok ekmáske negyal'a; momenyék ko'o kalanaxchek ma'a sekmámenyého ahagko' nak, wánxa m'a apmopmenyého nak xép.”

SAN JUAN 17:9

“Elmaxnakkek ko'o exchep seltamho epasmok xa énxet'ák nak, malmaxnesásak ko'o seltamho epasmok ma'a énxet'ák apkelyetleykekxa nak ektémakxa keso náxop, akke elmaxnesásak ko'o m'a énxet'ák segkéso axta exchep, hakte xép énxet'ák apagkok xa énxet'ák nak.

LOS HECHOS 16:28

Aptahak axta apkelpáxegkásencha'a Pablo s'e: —Neygyakhap aksa, nenlánexkók negheyncha'a s'e: