SAN LUCAS 23:2 - Lengua Sur (Enxet) Nuevo Testamento

² Nápakto' Pilato axta kéltamhok kólsexnenak Jesús, entahak axta amya'a apxénákpo s'e: —Negwet'ak axta negko'o apkelyáteyágkoho énxet etekkesek ekmaso s'e énxet nak. Apxénchek axta megkapayhawok agmések selyakye wese' apwányam Roma, apxeyenmék nahan aptaha Mesías, tén han aptaha Wese' apwányam.

SAN LUCAS 23:2 Referans Kwoze

SAN JUAN 19:12

Keñe axta apkelenxanakmo étak Pilato yakwánxa etnehek ényekxak Jesús; wánxa agkok, aptahak axta apkelyennaktésawo apkelpeywa judíos se'e: —Apyenyekxeyk agkok xép xa énxet nak, metnehek apchásekhayókxa m'a César aptaha nak wese' apwányam Roma. Enxet ektahakxa enxoho apkeltemesásamap wese' apwányam, apkenmexma etnehek ma'a wese' Roma.

SAN LUCAS 23:14

Aptahak axta Pilato apkeláneya énxet'ák se'e: —Kéxegke axta selyentegkáseyam se'e énxet nak, kélxénchek axta anhan apkelyáteyágkoho etekkesek ekmaso énxet'ák; elmaxneyágkok axta ko'o seltamho ay'asagkohok ektakmela kélnápakta'awo' kéxegke, akke ko'o ót'ak aksok ekmaso apkelané eksexnenagko xama enxoho, cháxa kéltahakxa nak kélpeywa kéxegke.

LOS HECHOS 24:5

Negya'ásegwokmek negko'o aptaha ekmaso aptémakxa s'e énxet nak, ekyókxoho yókxexma nahan aptekkásak apkexpanchásamap énxet'ák judíos xa, cháxa aptaha nak apkemha apmonye nepyeseksa m'a énxet'ák apkeltamhomakpo nak Nazarenos.

SAN JUAN 18:30

—Háwe axta agkok ekmaso aptémakxa, magyentementék axta negko'o aphakxa exchep, —axta aptahak apkelátegmowágko xa énxet'ák nak.

SAN MARCOS 12:17

Keñe axta aptaha apkeláneya Jesús se'e: —Kólmés wese' Roma m'a ektaha nak apagkok, kólmés nahan Dios ma'a ektaha nak apagkok. Apkelwanmeyágkek axta apkelleg'a xa ektahakxa axta apchátegmoweyak Jesús.

SAN MATEO 22:21

Aptahak axta apkelátegmowágko s'e: —Wese' apwányam Roma. Keñe axta aptaha apkeláneya Jesús se'e: —Kólmés wese' Roma m'a ektaha nak apagkok, kólmés nahan Dios ma'a ektaha nak apagkok.

LOS HECHOS 24:13

Mopwanchek exekmóshok ektaha nakso' eñama aksok sesexnenagko ko'o xa énxet'ák nak.

SAN LUCAS 23:5

Apyánchesakmók axta eyke apkelyennaktésamo apkelpeywa. Aptahak axta s'e: —Apkelyáteyagkok etekkesek ekmaso apyókxoho énxet negheykegkaxa eñama m'a ektémakxa nak apkelxekmóso. Axta apchénawók aptekkeso ekmaso m'a Galilea, temék nahan kaxwo' se'e Judea.

SAN MATEO 17:27

Emhok sekxo' ekpayhegwayam nak wátsam ekwányam, ényaw sat sókhaxé neygmen, eltegkes sat ma'a ektaswé amonye enxoho kelasma. Xama sawo selyakye sat étak kañe' awáxok. Kaxhok sat yakwayam agmések selyakye m'a tegma appagkanamap, xép tén han ko'o, yakwayam enxoho móllókasek énxet'ák. Esakxés sat, eyánmagkas sat nahan.

SAN MATEO 27:11

Kélyentegkek axta Jesús aphakxa Pilato, aptaha axta wese' apwányam Roma apchásenneykha apkeláneykha yókxexma. Aptahak axta apkelmaxneyeyncha'a Pilato s'e: —¿Xépya judíos Wese' apwányam apagkok? —Cháxa aptahakxa nak appeywa sexéna exchep —axta aptahak apchátegmowágko Jesús.

SAN MARCOS 15:2

Aptahak axta Pilato apkelmaxneyeyncha'a s'e: —¿Xépya judíos Wese' apwányam apagkok? —Cháxa aptahakxa nak appeywa sexéna exchep —axta aptahak appeywa apchátegmowágko Jesús.

SAN JUAN 18:29

Ekeso eñamakxa aptepa axta Pilato yakwayam elpakhetchesek xa énxet'ák nak. Aptahak axta apkeláneya s'e: —¿Yaksak aksok kélxéna kéxegke ektaha eksexnenagko xa énxet nak?

ROMANOS 13:7

Kólmés cha'a kélmók ekpayhókxa enxoho kólmések. Kólmés cha'a selyakye yakwayam kólpasmok ma'a énxet ekpayhawo nak kólmések, kólmés cha'a selyakye wese' apkeláneykha apchókxa ekpayhawo nak kólmések; Kólteme cha'a kélaye m'a eyéméxchexa nak cha'a kólé', kólteme cha'a kéláyo m'a eyéméxchexa nak kóltehek kéláyo.