SAN LUCAS 22:52 - Lengua Sur (Enxet) Nuevo Testamento

⁵² Keñe axta aptaha apkeláneya Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák aptakmelcheso nak tegma appagkanamap, tén han ma'a apkelámha apmonye'e nak kélakneykekxexa, cham'a apkelwokmo axta yakwayam éntemekxak Jesús ma'a: —¿Yaksak ektaha kélsokmoho nak sókwenakte selya'awa tén han kélsokmoho yámet, máxa eltemesásak énxet ekmaso aptémakxal'a?

SAN LUCAS 22:52 Referans Kwoze

SAN LUCAS 22:4

Apteyánegwokmók axta apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák aptakmelcheso axta tegma appagkanamap, apkeltennásek axta yakwánxa etnehek egkések Jesús.

LOS HECHOS 5:26

Apxegkek axta apkelchetama m'a énxet'ák seykha amya'a m'a apkemha apmonye nak aptakmelcheso tegma appagkanamap, axta anhan apkelxegexma'a apxega m'a énxet'ák ektaha axta anhan apkeltakmelcheso tegma appagkanamap; wánxa agkok, axta eyke enaktawáségkohok, hakte énxet'ák axta apkelakak elyetnak meteymog.

SAN JUAN 17:12

Eltakmelchesegkek axta cha'a ko'o xa énxet'ák nak, neyseksók sekha xamo' keso náxop, ekmasmeyk axta anhan cha'a yetlo m'a xép apwesey ekha nak ekmowána, cham'a apwesey segkésama axta exchep. Axta anhan exyánegweykmok xama enxoho xa énxet'ák nak, wánxa axta apxegánegweykmo m'a aptaha axta apxegányam, yakwayam enxoho katnehek ma'a ektémakxa nak eknaktáxésamaxche weykcha'áhak.

SAN MATEO 26:55

Yetlókók axta apteme apkelmaxneyeykha Jesús énxet'ák se'e: —¿Yaksak ektaha kélsokmoho nak kéxegke sókwenakte tén han yámet selya'awa yakwayam helmok máxa énxet ekmaso aptémakxa eltemesásak? Yókxoho ekhem axta ko'o selxekmóso énxet kañe' tegma appagkanamap, axta nahan helmák kéxegke.

SAN MATEO 26:47

Neyseksa appakmeyesma Jesús axta apwokmok Judas, aptaha axta apkeñama nepyeseksa m'a doce Jesús apkeltámeséyak. Apxámok axta énxet apkelxegexma'a apwokmo m'a, yetlo apkelmeykha sókwenakte, yámet axta anhan apkelmeykha. Enxet'ák apkelámha apmonye'e appasmo apkelmaxnéseso Dios énxet'ák apagkok axta apkeláphaso, tén han ma'a énxet'ák judíos apkelámha apmonye'e nak kélakneykekxexa.

SAN LUCAS 22:37

Eltennásek kéxegke peya hetnehek ko'o ektémakxa nak eknaktáxésamaxche s'e: ‘Máxa énxet ekmaso aptémakxa axta kéltemésesók nepyeseksa m'a énxet'ák elmasagcha'a nak apkeltémakxa.’ Hetnehek sat ko'o m'a ekyókxoho ektémakxa nak eknaktáxésamaxche sexeyenma ko'o.

SAN LUCAS 22:51

Aptahak axta Jesús se'e: —Nágkóltemésesha, wánxa kólteme. Appaknegkesakmók axta apeykok Jesús xa kélásenneykha nak, aptakmelchesekmek axta anhan.

SAN LUCAS 22:53

Yókxoho ekhem axta cha'a sekha xamo' kéxegke kañe' tegma appagkanamap, axta anhan helpaknegweykmohok xama enxoho. Wokmek eyke kaxwo' ekhem kélagkok kéxegke eñama ekmowána m'a ekyaktesakxaxma nak.