SAN LUCAS 22:41 - Lengua Sur (Enxet) Nuevo Testamento

⁴¹ Keñe axta apkexaya aksa Jesús apkeltámeséyak ma'a, yámmakhawók axta apmahágkok, ekweykenxal'a agyenyók meteymog, apkeltekxekwokmek axta aptapnák ma'a yakwayam etnehek nempeywa nelmaxnagko.

SAN LUCAS 22:41 Referans Kwoze

SAN MATEO 26:39

Yetlókók axta apxega Jesús apmahágko yámmakhawo, apháxegwokmek axta ekwokmoho aptekxeya ekpayhakxa nápát xóp. Aptahak axta aptaha nempeywa nelmaxnagko s'e: “Táta, apwanchek agkok xép, nágyána aksa añegkohok ko'o yakwánxa nak hetnehek ekyetchesamaxkoho nak xama egheykok negya aksok ekmáskel'a, momenyék ko'o kalanaxchek ma'a sekmamenyého ahagko' nak, wánxa m'a apmopmenyého nak xép.”

SAN MARCOS 14:35

Yetlókók axta apxega Jesús apmahágko yámmakhawo, apháxegwokmek axta ekwokmoho aptekxeya ekpayhakxa nápát xóp. Apkelmaxnakkek axta Dios yakwayam enxoho megkaweyk xa ekmáske nak, cham'a apkepmenyého enxoho Dios.

SAN LUCAS 18:11

Aptahak axta apkelmaxnagko énxet fariseo apkenmágkaxa s'e: ‘Oh Dios, ekmések ko'o ekxeyenma ewáxok Xép, hakte maxnawok ko'o m'a pók énxet'ák nak, ektaha nak apkelmenyexma, tén han ekmaso apkeltémakxa, tén han apnaktawáseykha elyamhápeyak, maxnawok nahan se'e énxet apkelmomo nak selyakye yakwayam kólmések wese' Roma.

SAN LUCAS 18:13

Wánxa agkok, teyépek axta eyke apkenmágkaxa énxet apkelmomo axta cha'a selyakye yakwayam kólmések wese' Roma, axta emokók yenmexhok néten, aptekpagáha axta aksa apnenyek. Aptahak axta appeywa se'e: ‘¡Oh Dios, yepyósho helanok ko'o sekteme nak may'asáxma!’

LOS HECHOS 7:60

Keñe axta apkeltekxeya aptapnák xóp. Aptahak axta apyennaktésawo appeywa s'e: “¡Wese', né eyakmagkásekxa aksa ektémakxa nak melya'asáxma xa énxet'ák nak!” Xama axta aptaha appeywa xa, yetlókók axta apketsapma.

LOS HECHOS 9:40

Apkelántekkesek axta Pedro yókxexma apyókxoho énxet apchaknákxo axta m'a, apkeltekxekkek axta aptapnák xóp aptaha nempeywa nelmaxnagko; keñe axta apkelano m'a kelán'a ápak, aptahak axta s'e: —¡Tabitá, kampekxa néten! Kelyaháha axta xa kelán'a nak. Xama axta ekwet'a Pedro, hákxeyk axta néten.

LOS HECHOS 20:36

Apkeltekxekkek axta aptapnák xóp Pablo natámen apteme appeywa xa, aptemék axta nempeywa nelmaxnagko yetlo xa énxet'ák nak.

LOS HECHOS 21:5

Xama axta ekyeyk'a xa siete ekhem nak, nelxegákxeyk axta makham negko'o. Apsawhekpók axta énxet'ák sẽlyetlawa yetlo apnakteyegka'a tén han ma'a apketchek, ẽlyetlókek axta ekweykmoho nepyáwa tegma apwányam, nelwokmek axta negko'o neyáwa wátsam ekwányam keñe axta neltekxeya entapnák xóp nentaha nempeywa nelmaxnagko.

HEBREOS 5:7

Ennaktéshok axta cha'a appeywa Cristo neyseksa apha axta keso náxop, yetlo apwóno axta anhan cha'a etnehek nempeywa nelmaxnagko ewónmakha Dios, aptaha nak apmopwána emyók emátog, aplegayók axta cha'a Dios xa, hakte apkelyaheykekxoho axta eghak Jesús.