SAN LUCAS 22:3 - Lengua Sur (Enxet) Nuevo Testamento

³ Taxneyk axta apwáxok Satanás xama Jesús apkeltámeséyak apkeñama axta nepyeseksa m'a doce nak, apwesey axta Judas Iscariote.

SAN LUCAS 22:3 Referans Kwoze

SAN JUAN 13:2

Pekkenchesek axta apwáxok Judas kelyekhama' yakwayam yának kólpelakkasesek emakpok Jesús, cham'a Judas aptaha axta Simón Iscariote apketche. Apya'ásegkok axta Jesús aptaha apkeñama m'a aphakxa nak Dios tén han peya emyekxak makham ma'a aphakxa nak Dios, apya'ásegkok axta anhan Jesús apmésama Apyap apmopwána elának ekyókxoho aksok; apkempákxeyk axta néten Jesús nekha mésa neyseksa aptéyak, aplekkek axta apchaklamap keñe axta apteta nepxet apáwa nenleklamol'a egyempehek natámen negyakpaso yegmen.

SAN JUAN 13:18

“Akke ko'o axénak kélyókxoho kéxegke, hakte ekya'ásegkok ko'o m'a ektaha nak selyéseykha. Megkatnehek nahan megkatné ektémakxa nak eknaktáxésamaxche s'e: ‘Etaknaweykxeyk ko'o énxet sektóko nak xamo' sekto.’

LOS HECHOS 5:3

Aptahak axta Pedro s'e: —Ananías, ¿yaksak ektaha ektaxna nak apwáxok xép Satanás temésesek apmopwána amya'a exchep, apkelyexancháseyha m'a Espíritu Santo, apmákxeyk xép nekha selyakye kélyanmagkaseso axta apyamasma xóp apagkok?

SAN LUCAS 22:21

Enxet apmáheyo nak hetlakkasesek yának amaxchek apheyk se'e nekha mésa nak.

SAN JUAN 12:6

Háwe axta eyke ekxéneykha apwáxok Judas ma'a énxet'ák meyke nak aksok apagkok aptaha appeywa xa, hakte apmenyexma axta m'a, selyakye axagkok axta anhan aptakmelcheso, emenyexhok axta anhan cha'a m'a selyakye kélxata nak kañe'.

SAN LUCAS 6:16

Judas Santiago apketche axta anhan ma'a, tén han ma'a Judas Iscariote, cham'a appelakkasesama axta apkeltémo emakpok Jesús.

SAN MATEO 26:23

Aptahak axta apchátegmowágko Jesús se'e: —Sat yának amaxchek ko'o m'a sekyásáso exchek xamo' pan kañe' sokpayhe.

SAN MATEO 4:10

Aptahak axta apchátegmowágko Jesús se'e: —Kaxeg, kelyekhama', hakte entemék eknaktáxésamaxche weykcha'áhak se'e: ‘Kólpeykesho Dios Wese' egegkok, kólteme wánxa kéláyo m'a.’

SAN MATEO 10:4

Simón axta anhan ma'a apkeltamhomakpo axta celote, Judas Iscariote axta anhan ma'a, cham'a appelakkasesa axta apkeltamho emakpok Jesús.