SAN LUCAS 21:19 - Lengua Sur (Enxet) Nuevo Testamento

¹⁹ ¡Kóllenxanmoho kélyennaktésamo kélteme megkólya'áseyam yakwayam enxoho kólewának kólwagkasaxchek teyp!

SAN LUCAS 21:19 Referans Kwoze

HEBREOS 10:36

Kéméxchek kéxegke kólwaskápekxohok neyseksa kéllegeykegkoho, yakwayam enxoho kóllának ma'a ektaha nak Dios apmopmenyého, yakwayam enxoho nahan kólxawak ma'a apxeyenma axta egkések kéxegke Dios.

SAN MATEO 10:22

Apyókxoho énxet sat etaknók kéxegke ko'o eñamakxa; wánxa agkok, ewagkasakpok sat eyke teyp ma'a énxet apkelenxánekmoho nak apyennaktésamo apteme mehey'áseyam ko'o ekwokmoho néxa.

SANTIAGO 1:3

Kélya'ásegkok kéxegke m'a ekyekkónamaxko enxoho ekwánxa nak kélteme megkólya'áseyam, kaltámeyagkok kélenmáxamáxkoho yetlo kélwaskápeykekxoho m'a kéllegeykegkoho nak.

APOCALIPSIS 3:10

Apkelanak axta exchep seltémókxa etnehek, cham'a meyensakmo nak. Ekeso eñamakxa sekmoko nak ko'o amyók xép ekwa'a sat ma'a ekhem ekyawe nenlegeykegkoho keso náxop, yakwayam enxoho keykkónek apyókxoho énxet'ák apheykha nak keso náxop.

ROMANOS 5:3

Háwe ekwánxa agkok sempeykesásekxo egwáxok xa, akke nahan empeykesáseykxak negko'o egwáxok ma'a nenlegeykegkoho nak; hakte negya'ásegkok negko'o xa nenlegeykegkoho nak segmésama yakwayam ólenmaxaxkohok yetlo nelwaskápeykekxoho,

ROMANOS 2:7

Egkések sat Dios ekyennakte apnenyek megkatnegwayam enéxa m'a énxet'ák meyenseykmo axta apkeláneyak ma'a ekpayhawo nak anlána', cham'a apketamsama axta negeymáxkoho eñama nak Dios, tén han apketamsama m'a yakwayam nak etnésesek Dios ekha kéláyo, tén han apketamsama m'a mótsapma nak;

APOCALIPSIS 13:10

“Enxet eyéméxko nak kólhésók sẽlpextétamakxa, kólhésók sat sẽlpextétamakxa; keñe m'a eyéméxko nak kólyakténchesagkok apyespa'ák sókwenakte, kólyakténchesagkok sat apyespa'ák etekyók.” Sat kataxchek ektémakxa nak apkelenmáxamákpoho Dios énxet'ák apagkok apkelpagkanamap xa, tén han ma'a ektémakxa nak melya'áseyam.

APOCALIPSIS 14:12

Sat kañék ekwetamaxche ektémakxa nak apkelwaskápeykekxoho Dios énxet'ák apagkok apkelpagkanamap nak, cham'a melwateseyam nak apkelané apkeltémókxa nak antehek Dios, cham'a meyenseyam nak han apteme mey'áseyam Jesús.

HEBREOS 6:11

Egmenyék negko'o kóllenxanmohok kéxegke kélxekmósamo ekwokmoho ektemegwánxa néxa m'a ektémakxa nak kélwaskápeykekxoho, yakwayam enxoho kólxawagkok ma'a aksok kélhaxanma nak kólxawa'.

1 TESALONICENSES 1:3

Mehẽlwagkágwokmok cha'a negko'o ekxeyenma egwáxok kéxegke nápakto' Dios Egyap, cham'a kéltamheykencha'a nak yetlo ekyawe agko' megkólya'áseyam neyseksók kéltamheykha, tén han kéltamheykencha'a yetlo ekyawe agko' kélásekhayo, mehẽlwagkágweykmok nahan ektémakxa nak ekpasmo yakwayam kólenmaxaxkohok kéllegeykegkoho yetlo kélwaskápeykekxoho m'a kélhaxneykha nak Wese' egegkok Jesucristo.

SAN MATEO 24:13

Wánxa agkok ewagkasakpok sat eyke teyp ma'a énxet apteme nak apyennaktésamo mehey'áseyam ko'o ekwokmoho néxa.

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

HEBREOS 6:15

Apkelháxanmeyk axta aksa Abraham yetlo mepekhéso xa apxeyenma axta egkések Dios, apxakak axta nahan xa.

2 TESALONICENSES 3:5

Wese' egegkok sat epasmok kéxegke yakwayam enxoho kóltehek kélásekhamaxkoho ekhawo m'a ektémakxa nak segásekhayo Dios, tén han egkések kéxegke m'a ektémakxa axta apwaskápeykekxoho Cristo neyseksa aplegeykegkoho.

ROMANOS 8:25

Nelhaxneyha agkok ma'a aksok magwetayo nak, kéméxchek anleyxmakha meyke nelwáteseyam.

SAN LUCAS 8:15

Aktek ekpálwayam axta ektakmelakxa xóp ekyetchesamaxkoho m'a énxet'ák ektakmela nak apwáxók, emawhok nahan yeyxhok amya'a kéltenneykha, elyahakxohok nahan, meyensemek nahan apteme mey'áseyam, tásek nahan katnehek ekteyapma apkelyakmagkaso apkeltémakxa, ekhawo m'a aksok ekyexna eknakxamáxche nak.

ROMANOS 15:4

Naktáxesamaxchék axta yakwayam henxekmósek negko'o m'a ekyókxoho amya'a ekyetnama axta eknaktáxésamaxche nano' agko', yakwayam enxoho keytek negko'o nelhaxneykha eñama m'a magyenseyam tén han ekpayheykekxa egwáxok segméso nak eknaktáxésamaxche.

ROMANOS 5:4

hegméshok nahan cha'a negko'o yakwayam kalkohok apwáxok Dios nentahakxa xa nelwaskápeykekxoho nak, kayágwomhok nahan cha'a nelhaxneykha m'a ekleyawo enxoho apwáxok Dios nentahakxa.

SANTIAGO 1:4

Kóllenxánem katnésesek kélpéwomo m'a ektémakxa nak kélwaskápeykekxoho, yakwayam enxoho kóltehek kéxegke ekyennakwayam agko' kélteme megkólya'áseyam, méko katnehek ma'a eyéméxchexa enxoho xama aksok.

2 SAN PEDRO 1:6

keñe m'a negya'ásegwayam nak, kólyepetchesek ma'a negmowána nak anlanagkohok nentémakxa; keñe m'a negmowána nak anlanagkohok nentémakxa kólyepetchesek ma'a mampekhésamaxche nak; keñe m'a mampekhésamaxche nak, kólyepetchesek ma'a nempagkanchásamáxche nak Dios;