SAN LUCAS 2:40 - Lengua Sur (Enxet) Nuevo Testamento

⁴⁰ Apwánenyek axta anhan ma'a sakcha'a, apyennakkak axta anhan, yáwegkek axta anhan apya'áseyak, leklamók axta apwáxok Dios aptémakxa.

SAN LUCAS 2:40 Referans Kwoze

SAN LUCAS 2:52

Apwánenyek axta Jesús, xegágkek axta anhan apya'áseyak, leklamók axta apwáxok Dios aptémakxa Jesús, tén han ekleklamo apwáxók ma'a énxet'ák.

SAN LUCAS 1:80

Apwánenyek axta m'a sakcha'a nak, yennakweykmek axta apteme mey'áseyam Dios, apheykmek axta yókxexma meykexa énxet ekwokmoho ekhem yakwánxa exekmósakpohok énxet'ák Israel.

SAN JUAN 1:14

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

SAN LUCAS 2:47

Pelakkasek axta eklegáxko ektémakxa aksok apya'áseykegkoho tén han ma'a ektahakxa axta cha'a apchátegmowéyak Jesús kélmaxneyeykha.

2 TIMOTEO 2:1

Xép hatte, etne cha'a apwaskápeykekxoho eñama m'a aksok apxawé naksa axta exchep, ektaha axta apméso m'a Cristo Jesús.

EFESIOS 6:10

Elyáxeg eltamhok ko'o kóltehek kaxwo' ekha kélyennakte neyseksók kélyepetcheyo Wese' egegkok, eñama m'a ektémakxa nak ekyawe agko' apmopwána.

LOS HECHOS 4:33

Apkelenxaneykmók axta apkelwaskápeykekxoho énxet'ák seykha amya'a apkeltenneykha ektaha ekmámnaksoho m'a apxátekhágwayam axta Jesús, awanhek axta nahan appasmo Dios xa apyókxoho nak.