SAN LUCAS 2:13 - Lengua Sur (Enxet) Nuevo Testamento

¹³ Yetlókók axta anhan apkelxekmowásamákpoho Dios apkelásenneykha apxámokma apkeleñama néten xamo' xa Dios apchásenneykha nak, apkelpeykásók axta Dios. Aptahak axta nahan apkelpakmeta s'e:

SAN LUCAS 2:13 Referans Kwoze

APOCALIPSIS 5:11

Keñe axta senmexawo ko'o m'a, ekleg'ak axta ko'o apkelpakmeyesma Dios apkelásenneykha apxámokma apchakneykha axta neyáwa Dios aptaháno, cham'a apchaknágkaxa axta anhan aphó énxet'ák apkeleñama nak néten, tén han ma'a énxet'ák apkelámha apmonye'e nak. Apxámok apagko' axta xa.

HEBREOS 1:14

Hakte apyókxoho Dios apkelásenneykha apteme apkeleñamakxa apagko' ma'a néten, yakwayam enxoho elyahakxohok Dios, kóláphaksohok nahan cha'a yakwayam epasmok ma'a énxet'ák ektaha nak kélpagkancheso yakwayam elwagkasakpok teyp.

SAN LUCAS 15:10

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, kalpayhekxak apwáxók Dios apkelásenneykha m'a néten.”

EFESIOS 3:10

Temegkek axta xa yakwayam enxoho elya'ásegwók ekyókxoho ektémakxa apya'áseykegkoho Dios ma'a, Dios apkelásenneykha ekha nak apkelmopwancha'a, tén han ma'a ekha nak kélyaheykekxoho m'a néten eñama apxekmóso m'a Dios énxet'ák apagkok nak.

1 SAN PEDRO 1:12

Wánxa agkok, apkelya'asásegweykmek axta eyke Dios megkapheweykmo yakwayam kapasmok ektémakxa axta apkeltenneykha xa énxet'ák nak, kéxegke eyke yakwayam kapasmok xa ektémakxa axta apkeltenneykha, cháxa kéllegasama axta kéxegke xa eñama apkellegaso m'a énxet'ák apkeltennáseykencha'a axta tásek amya'a yetlo Espíritu Santo apmopwána, cham'a Espíritu kéláphaso axta apkeñama néten. Cháxa apkeltémo axta anhan étak Dios apkelásenneykha xa.

SAN LUCAS 2:12

Megkólchenatchesek sat kéxegke kélwet'a sat sakcha'a kélpexteté apáwa tén han kélpekkenma m'a kañe' yántéseksek kéleykegkaxa nak ektéyak kélnaktóso.”

SAN LUCAS 2:14

“¡Apcheymákpoho sat kóltemésesek Dios apha nak ma'a néten! ¡Keytek sat meyke ektahakxa egwáxók keso náxop nepyeseksa m'a énxet'ák appasmoma nak cha'a Dios!”

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.