SAN LUCAS 2:11 - Lengua Sur (Enxet) Nuevo Testamento

¹¹ Sakhem apteyekmok David apchókxa m'a yakwayam nak etnehek apmasma kéxegke, cham'a aptaha nak Cristo m'a, aptaha nak Wese' egegkok.

SAN LUCAS 2:11 Referans Kwoze

SAN MATEO 1:21

Apkenná' sat kategkesek étche María, etnéses sat apwesey Jesús. Eltamhakpok sat xa, hakte elwagkasek sat teyp ma'a énxet'ák apagkok, yakwayam eykhe kóllegásesagkohok eñama melya'asáxma.”

LOS HECHOS 2:36

“Kólya'ásegwakxoho hana kélyókxoho kéxegke ektaha nakso' se'e kéxegke kéltaha nak énxet'ák Israel, Dios axta apteméseso Wese' tén han aptemésesa Mesías ma'a Jesús, cham'a kélyepetchesa axta kéxegke aksok ektegyéso.”

SAN MATEO 16:16

Aptahak axta Simón Pedro apchátegmowágko s'e: —Xép aptaha Mesías, Dios memassegwayam Apketche.

SAN LUCAS 1:43

¿Yaksak kexaha ektaha ektakmela nak ko'o setnahakxa, cháxa ekxegakmo nak Wese' egegkok egken setnaha meyk'a?

1 SAN JUAN 5:1

Negyókxoho nenteme nak magya'áseyam Jesús aptaha Mesías, nentemék negko'o Dios apketchek; enxama apchásekhayo enxoho xama énxet ekha nak apketchek, elásekháseshok nahan ma'a apketchek.

FILIPENSES 2:11

yakwayam enxoho anhan elya'ásegwomhok apyókxoho énxet aptaha Jesucristo Wese', yakwayam enxoho kóltemésesek apcheymákpoho Dios Egyap.

SAN JUAN 4:42

Entahak axta amya'a eyáneyáxko kelán'a s'e: —Magya'ásekmok kaxwo' negko'o, háwe ekwánxa agkok magya'ásekmo m'a ektahakxa exchek sẽltennaseykekxa exche', hakte negko'o egagko' nahan nenleg'ak kaxwo' aptahakxa appeywa, magya'ásekmok nahan aptaha nakso' agko' apkelwagkaso teyp énxet'ák keso náxop.

SAN LUCAS 2:4

Ekeso eñamakxa aptepa axta José tegma apwányam Nazaret, yókxexma Galilea. Axta apmeyákxak ma'a nátegma Belén yókxexma Judea, cham'a apteyeykenxa axta wese' apwányam David, hakte José axta apteme David aptáwen neptámen.

SAN MATEO 1:16

Jacob axta apketche m'a José, María atáwa, ektaha axta Jesús egken, neltéma nak negko'o Mesías.

1 CORINTIOS 15:47

Xóp axta apkeñamak apkelánamákpo apkemha apmonye énxet, náxop axta anhan apkeñamak ma'a; keñe m'a énxet ektaha axta apwé axayo', néten axta apkeñamak ma'a.

LOS HECHOS 10:36

Apkelpakhetchesek axta Dios Israel aptawan'ák neptámen, apkeltennásek axta amya'a meyke ektahakxa egwáxok eñama nak Jesucristo, aptaha nak Wese' meyke ekhémo negyeseksa negko'o.

SAN JUAN 20:31

Wánxa agkok, naktáxésamaxchek eyke weykcha'áhak xa yakwayam enxoho megkólya'asók kéxegke Jesús aptaha Mesías, aptaha nak Dios Apketche, yakwayam enxoho nahan kólwetak ekyennakte kélnenya'ák eñama Cristo, neyseksa kélteme megkólya'áseyam.

1 SAN JUAN 4:14

Negko'o egagko' axta negweté xa, neltenneykha nahan nenxeyenma m'a apcháphásama axta Dios Egyap Apketche yakwayam elwagkasek teyp énxet'ák apheykha nak keso náxop.

SAN JUAN 1:45

Apxegkek axta Felipe apketama Natanael. Aptahak axta apcháneya s'e: —Negwet'ak negko'o m'a énxet aptáxesama nak apwesey Moisés weykcha'áhak eknaktáxésamaxchexa nak segánamakxa, cham'a aptáxesama nak han énxet'ák Dios appeywa apkellegaso apxeyenma m'a. Jesús apkeñama tegma apwányam Nazaret ma'a, José apketche.

LOS HECHOS 17:3

apkeltennáseyha axta Pablo énxet'ák apxénamakpo yetsapok Mesías, tén han apxénamakpo exátekhágwók natámen apketsapma. Axta etnohok cha'a elának énxet'ák se'e: —Keso Mesías se'e Jesús seltennásencha'a nak kéxegke.

LOS HECHOS 5:31

Dios axta apya'áseykekxa néten, aphésakxeyk axta m'a ekpayhókxa nak apkelya'asamakxa, aptemésesek axta Wese' tén han segwagkasamo teyp, yakwayam enxoho etnekxak melya'áseyam Dios ma'a énxet'ák Israel, tén han meyakmagkásekxék Dios ma'a apkeltémakxa nak melya'asáxma.

SAN JUAN 6:69

Magya'ásekmok negko'o exchep appeywa. Negya'ásegkok nahan negko'o aptaha exchep Dios Appagkanma.

SAN JUAN 1:41

Apxegkek axta Andrés apketama apepma' apwesey Simón, aptahak axta apcháneya s'e: —Negwetákxeyk negko'o Mesías (kéltéma nak: Cristo)

SAN MATEO 16:20

Keñe axta apkelpakhetchesa Jesús apkeltámeséyak apkeltamho mexének aptaha Mesías.

COLOSENSES 2:6

Kéméxchek kéxegke kóltehek kélyepetcheyo Jesucristo Wese' egegkok ekhawo kéltahakxa axta kélma takha'.

FILIPENSES 3:8

Mók sekxeyenma anhan. Maxneyásawok ko'o ekyókxoho aksok sekyetchásawo enxoho m'a ektémakxa nak negyekpelchágwayam Cristo Jesús Wese' ahagkok. Cristo nahan keñamak ekmassa ekyetna ko'o ekyókxoho aksok, máxa apák ektemesásak ko'o ekyókxoho aksok yakwayam enxoho atnehek Cristo énxet apagkok,

SAN JUAN 11:27

Entahak axta eyátegmowágko Marta s'e: —Wese', nakso' may'ásekmok xép aptaha Mesías Dios Apketche, cham'a apxénamakpo axta ewak keso náxop.

SAN JUAN 7:41

Keñe axta nápakha énxet aptaha apkelpeywa s'e: —Cháxa Mesías xa. Keñe axta nápakha énxet aptaha apkelpakmeta s'e: —Háwe, mopwanchek eyke yenyék Galilea Mesías.

SAN LUCAS 2:26

apya'asásegweykmek axta anhan peya megyetsepek met'a enxoho makham Cristo, cham'a apxeyenma axta yáphaksek Wese' egegkok.

SAN LUCAS 1:69

Egaphásesek axta negko'o segwagkaso teyp ekha apyennakte, David aptáwen neptámen, cham'a aptaha axta apkeláneykha.

SAN JUAN 4:25

Entahak axta eyáneya kelán'a Jesús se'e: —Ekya'ásegkok ko'o apxénamakpo ewak Mesías apkeltamhomakpo nak Cristo; apwa'ak sat agkok ma'a, hẽltennaksek sat ektémakxa ekyókxoho aksok.

LOS HECHOS 13:23

Jesús axta aptáwen neptámen xa David, cham'a Jesús apcháphasa axta Dios yakwayam elwagkasek teyp énxet'ák Israel, ekhawo m'a ektémakxa axta appeywa.