SAN LUCAS 2:10 - Lengua Sur (Enxet) Nuevo Testamento

¹⁰ Aptahak axta apkeláneya Dios apchásenneykha s'e: “Nágkólyegwé', amya'a ektakmela eksókasakmok kéxegke yakwayam kagkések ekyawe ekpayheykekxa apwáxók apxámokxoho énxet'ák:

SAN LUCAS 2:10 Referans Kwoze

SAN MATEO 28:18

Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

SAN MATEO 14:27

Aptahak axta apkelpakhetchesa Jesús se'e: —¡Kólyennakteyásekxoho kélwáxok! ¡Náhelé', ko'o s'e!

SAN LUCAS 1:30

Aptahak axta apcháneya Dios apchásenneykha s'e: —María, náheyé' aksa, leklamók apwáxok Dios ektémakxa exche'.

COLOSENSES 1:23

Cháxa keñamak eyéméxko nak kóltehek kéxegke kélwaskápeykekxoho eñama ekpasmo m'a megkólya'áseyam nak, meyke kélyenseyam ma'a kélhaxneykha ekyetna nak kéxegke eñama kéllegé m'a tásek amya'a kéltenneykha nak. Cháxa amya'a kéltenneykencha'a nak ekyókxoho yókxexma xa, sekpasmoma nak han ko'o xa ektémakxa kéltenneykha, ko'o Pablo.

LOS HECHOS 13:32

“Nenlegásek negko'o kéxegke s'e amya'a ektakmela nak: Negko'o axta enláneyásak Dios ma'a ektémakxa axta appekkencháseykekxa appeywa ẽlyepmeyk nano', negko'o nentaha nak Abraham aptawan'ák neptámen. Cháxa apkelana axta Dios xa, cham'a apxátekhásekmo axta Jesús ekhawo ektémakxa nak eknaktáxésamaxche Salmo dos se'e: ‘Xép apteme hatte, ektemék kaxwo' xép hatte.’

SAN LUCAS 24:47

kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

SAN LUCAS 8:1

Apxámok axta apyawakxa tegma apmaheyak cha'a Jesús tén han ma'a nátegma apheykegkaxa axta cha'a énxet, natámen xa. Apkeltenneykha axta cha'a apxeyenma m'a aptémakxa nak Wese' apwányam Dios. Axta apkelxegexma'a m'a doce apkeltámeséyak axta,

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

SAN LUCAS 1:19

Aptahak axta apchátegmowágko Dios apchásenneykha s'e: —Ko'o Gabriel. Ektamheykha cha'a ko'o nápakto' Dios, exchek seyáphaso apkeltamho apakhetchesek xép ma'a, tén han altennaksek se'e amya'a ektakmela nak.

SAN LUCAS 1:13

Wánxa agkok, aptahak axta apcháneya Dios apchásenneykha s'e: —Zacarías, náheyé' aksa. Apleg'awók Dios apkelmaxnagko exchep, kategkesek sat étche apkenna' aptáwa exchep, etnéses sat apwesey Juan.

SAN MARCOS 1:15

Aptahak axta apkeltenneykha s'e: “Wokmek kaxwo' ekhem ekxénamaxchexa nak katnehek, chágketwa'ak kaxwo' ma'a aptémakxa nak Wese' apwányam Dios. Kólyakmagkas kélwáxok, kólma yetlo megkólya'áseyam se'e amya'a ektakmela nak.”

ROMANOS 10:15

¿Háxko nahan katnehek eltennaha énxet'ák méko enxoho m'a ektaha nak apkelapháseykha? Ekhawo ektémakxa nak ekxeyenma ektáxésamaxche s'e: “¡Tások agko' apkelwé énxet'ák ektaha nak apsáyam amya'a ektakmela.”

SAN MARCOS 16:15

Aptahak axta apkeláneya s'e: “Kólmohok ekyókxoho yókxexma, kóllegés nahan apyókxoho énxet'ák se'e amya'a segwagkasamo nak teyp.

SAN MATEO 28:5

Aptahak axta Dios apchásenneykha apcháneya kelán'ák se'e: —Náhelé'. Ekya'ásegkok ko'o kélchetama kéxegke Jesús, cham'a kélyepetchesa axta aksok ektegyéso.

SAN LUCAS 2:11

Sakhem apteyekmok David apchókxa m'a yakwayam nak etnehek apmasma kéxegke, cham'a aptaha nak Cristo m'a, aptaha nak Wese' egegkok.