SAN LUCAS 19:7 - Lengua Sur (Enxet) Nuevo Testamento

⁷ Xama axta apwet'a apyókxoho énxet xa, apyamatcháseyha axta Jesús, apxénákpek axta Jesús peya exnók énxet mey'asáxma apxagkok.

SAN LUCAS 19:7 Referans Kwoze

SAN LUCAS 15:2

Apkelpakmeteyha axta énxet'ák fariseos, tén han ma'a énxet'ák apkelxekmóso axta apnámokkok ektémakxa segánamakxa. Aptahak axta apkelpakmeta s'e: —Apkelápeyha nak énxet'ák melya'asáxma xa énxet nak, aptókok nahan xamo' aptéyak.

SAN LUCAS 7:39

Xama axta apwet'a fariseo ektaha axta apcháneyeykha Jesús xa, entahak axta elchetamso apwáxok se'e: “Nakso' agkok aptaha Dios appeywa aplegaso xa, ékpelkohok ektémakxa xa kelán'a ekpaknegwa'awo nak: kelán'a ekmaso ektémakxa xa.”

SAN LUCAS 7:34

Keñe axta anhan apwa'a m'a aptaha nak Apketche énxet, aptamo nak apto, apyamo nak han vino, kélxénchek kéxegke aptaha megyéso etwok apto, tén han megyéso ének vino, tén han kélxéna kéxegke aptaha apkelásekhayókxa m'a énxet elmasagcha'a nak apkeltémakxa, tén han ma'a énxet'ák apkelma nak selyakye yakwayam kólmések wese' Roma.

SAN MATEO 9:11

Xama apwet'a énxet'ák fariseos xa, aptahak axta apkelmaxneyeyncha'a Jesús apkeltámeséyak se'e: —¿Yaksak ektaha aptóko nak xamo' apkelxekmóso kéxegke énxet'ák apkelmomo nak selyakye yakwayam egkések wese' Roma, tén han ma'a énxet'ák melya'asáxma nak?

SAN LUCAS 5:30

Apkelpakmeteyha axta eyke m'a énxet'ák fariseos, tén han ma'a énxet'ák ektaha axta apkelxekmóso ektémakxa segánamakxa, cham'a ektaha axta apkelxegexma'a apancha'awo'. Aptahak axta apkeláneya Jesús apkeltámeséyak se'e: —¿Yaksak ektaha kéltoko nak xamo' kéxegke énxet apkelmomo nak selyakye yakwayam kólmések wese' Roma tén han kélyenawo xamo' apyenéyak, tén han ma'a énxet'ák melya'asáxma nak?

SAN MATEO 20:11

Xama axta apkelmágko selyakye, apkelpakméteyha axta apxéna m'a wese'.

SAN LUCAS 19:6

Ñohok axta apnextegánto Zaqueo, yetlo ekpayheykekxa apwáxok axta anhan apmak takha' Jesús.

SAN LUCAS 19:8

Apkempákxeyk axta néten Zaqueo. Aptahak axta apcháneya Wese' egegkok se'e: —Wese', elano, amlaskok sat ko'o énxet meyke aksok apagkok nekha aksok ahagkok ekyetnakxa nak ko'o; ekmenyexchesegkek agkok nahan aksok apagkok xama énxet enxoho, ayeykhásesamhok sat sekmeyáseykekxa makham.

SAN MATEO 20:4

Aptahak axta apkeláneya s'e: ‘Kólmohok nahan kéxegkáxa kóltemeykha m'a seneykekxexa nak anmen yámet, ayanmagkasesek sat ekyanmaga kéltamheykha.’ Apkelxegkek axta.