SAN LUCAS 19:5 - Lengua Sur (Enxet) Nuevo Testamento

⁵ Xama axta apyeykhágwokmo Jesús ma'a, apsekhákxok axta néten. Aptahak axta apcháneya s'e: —Zaqueo, etyep heykxa, sakhem sat ko'o axnók apxagkok.

SAN LUCAS 19:5 Referans Kwoze

APOCALIPSIS 3:20

Kóllano, átog ko'o enmáha selwónencha'a kéxegke, kéxegke ektahakxa enxoho kéllegé sekpeywa, keñe kólmeykesek átog, keñe sat ko'o atxek kañe' kélxagkok, apasmok sat nahan kélto taxnam kéxegke.

SAN JUAN 14:23

Aptahak axta apchátegmowágko Jesús se'e: —Enxet ektahakxa enxoho seyásekhayo ko'o, elyahakxohok ma'a ektémakxa nak sekpeywa; yásekhohok sat nahan ma'a Táta, ólchexyok sat nahan negko'o yakwayam antehek negyepetcheyo xa énxet nak, Táta tén han ko'o.

HEBREOS 13:2

Nágkalwagkamák ma'a ektémakxa nak cha'a kélapeykha ektaha nak apkelwayam kélxagkok, hakte nápakha énxet nahan aphésakmohok cha'a apxagkok Dios apchásenneykha neyseksa mey'áseyak.

SAN JUAN 1:48

Aptahak axta apkelmaxneyeyncha'a Natanael se'e: —¿Háxko ektahakxa sékpelchawo nak xép? Aptahak axta apchátegmowágko Jesús se'e: —Ekwet'ak xeyk xép kóneg higo yámet amonye apwóneykha exchek Felipe.

EFESIOS 3:17

Elmaxnakkek nahan ko'o Dios seltamho exek kélwáxok kéxegke Cristo eñama xa megkólya'áseyam nak. Keñe sat keytek kéxegke kélwaskapma tén han kóllenxanmohok kélyennaktésamo kélteme kélásekhamaxkoho.

SAN LUCAS 19:10

Hakte apwa'ak axta aptaha nak Apketche énxet yakwayam elchetmok ma'a énxet'ák ektaha axta apkelxegányam, tén han elwagkasek teyp.

2 CORINTIOS 6:1

Nágkólteméses aksa eyakhémo apméso kéxegke Dios ma'a ektémakxa nak segásekhayo, cham'a apxekmósa axta kéxegke eñama nenteme nelpasmomaxkoho nenlané m'a Dios aptamheykha nak.

SAN LUCAS 19:2

Aphegkek axta anhan xama énxet ekxákma axta selyakye apagkok ma'a apwesey axta Zaqueo, apkemha apmonye nepyeseksa énxet'ák apkelma selyakye yakwayam kólmések wese' Roma axta m'a.

SAN LUCAS 19:4

Ekeso eñamakxa apketchágkoho axta apmahágko apmonye, apkenátwokmek axta yámet ma'a yakwánxa axta eyeykhágwók Jesús, yakwayam enxoho yepwának éta'.

SAN LUCAS 19:6

Ñohok axta apnextegánto Zaqueo, yetlo ekpayheykekxa apwáxok axta anhan apmak takha' Jesús.