SAN LUCAS 19:47 - Lengua Sur (Enxet) Nuevo Testamento

⁴⁷ Yókxoho ekhem axta apkelxekmóso Jesús énxet'ák kañe' tegma appagkanamap, keñe axta m'a énxet'ák apkelámha apmonye'e nak appasmo apkelmaxnéseso Dios énxet'ák apagkok apketamsama yakweykenxa etnehek yakhek Jesús, axta nahan apkelxegexma'a m'a énxet'ák apkelxekmóso nak apnámokkok ektémakxa segánamakxa, tén han ma'a énxet'ák apkelámha apmonye'e axta m'a tegma apwányam nak.

SAN LUCAS 19:47 Referans Kwoze

SAN MARCOS 11:18

Xama axta apkelleg'a apkelámha apmonye'e nak appasmo apkelmaxnéseso Dios énxet'ák apagkok xa, tén han ma'a énxet'ák apkelxekmóso axta apnámokkok ektémakxa segánamakxa, aptegyágkek axta yakwánxa etnehek yakhek Jesús, hakte apkelakak axta, apyókxoho énxet'ák axta pelakkásak apkelwet'a m'a ektahakxa axta apkelxekmóso Jesús.

SAN MATEO 26:55

Yetlókók axta apteme apkelmaxneyeykha Jesús énxet'ák se'e: —¿Yaksak ektaha kélsokmoho nak kéxegke sókwenakte tén han yámet selya'awa yakwayam helmok máxa énxet ekmaso aptémakxa eltemesásak? Yókxoho ekhem axta ko'o selxekmóso énxet kañe' tegma appagkanamap, axta nahan helmák kéxegke.

SAN JUAN 18:20

Aptahak axta apchátegmowágko Jesús se'e: —Eltenneykha axta cha'a ko'o nápakta'awo' énxet'ák; Alxekmóshok axta anhan cha'a énxet'ák ma'a kañe' apchakneykekxexa nak énxet'ák judíos, tén han ma'a kañe' tegma appagkanamap, cham'a apchakneykekxexa nak cha'a apkelánamákpoho judíos; meyxamaxkohok cha'a ko'o sektémakxa nak cha'a sekpeywa.

SAN JUAN 10:39

Peyk axta eykhe makham emok Jesús xa énxet'ák nak, wánxa agkok, apxegánegkesek axta eyke Jesús.

SAN JUAN 7:44

Nápakha énxet axta apmoko exnésók Jesús ma'a sẽlpextétamakxa, méko axta eyke ekhésakmo.

SAN JUAN 7:19

“¿Háweya axta Moisés ma'a apmésama axta kéxegke segánamakxa? Akke kólyaheykekxohok kéxegke kélxama enxoho xa segánamakxa nak. ¿Yaksak ektaha kélmoko nak hélakhek ko'o?

SAN MARCOS 14:1

Anet ekhem axta kéméxchek yakwayam kalanaxchek ekhem melwagkayam axta énxet'ák judíos kéltéma axta Pascua, aptámákpexa axta pan meyke kempáseyak. Aptegyágkek axta yakwánxa etnehek yának emakpok Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso axta apnámokkok ektémakxa segánamakxa, eñama m'a aptamhéyak apancha'awo nak, yakwayam enxoho nahan yának emátog.

SAN MARCOS 12:12

Apmokók axta eykhe emok Jesús xa énxet'ák nak, hakte apyekpelchawók axta apyetcháseykxoho aksok Jesús apxéna xa énxet'ák nak. Wánxa agkok, apyenyókek axta eyke aksa, hakte énxet'ák axta apkelakak, apkeltakhákxeyk axta.

SAN MATEO 21:23

Aptaxnegwákxeyk axta Jesús tegma appagkanamap natámen xa. Neyseksa apkelxekmóso énxet'ák axta m'a, apya'awa axta apkelámha apmonye'e nak appasmo apkelmaxnéseso Dios énxet'ák apagkok, tén han ma'a judíos apkelámha apmonye'e apagkok nak. Aptahak axta apkelmaxneyeyncha'a s'e: —¿Yaksak eyásenneykha exchep eltémo elának xa aksok nak? ¿Yaksak ekméso apmopwána?

SAN MARCOS 14:49

Yókxoho ekhem axta ko'o selxekmóso énxet kañe' tegma appagkanamap kélnepyeseksa kéxegke, axta anhan helmák kéxegke. Temék eyke yakwayam enxoho katnehek ma'a ektémakxa axta eknaktáxésamaxche weykcha'áhak.

SAN LUCAS 19:48

Axta eyke eteyeykekxak yakweykenxa etnehek yakhek Jesús, hakte apyókxoho énxet'ák axta aptakmelchesamók apháxenmo ektémakxa apkeltenneykha Jesús.

SAN LUCAS 20:19

Apmokók axta eykhe emok Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa, hakte apkelya'ásegkok axta énxet'ák apkelxénákpo m'a aptahakxa axta apyetcháseykekxoho Jesús. Enxet'ák axta eyke apkelakak.