SAN LUCAS 19:42 - Lengua Sur (Enxet) Nuevo Testamento

⁴² Aptahak axta s'e: “¡Awanhek ko'o seltémo kólyekpelchágwók aksok ekmowána nak kagkések meyke ektahakxa kélwáxok keso kaxwo' nak! Megkólwanchek eyke kólwetak kaxwo' kéxegke xa, hakte powásexko'.

SAN LUCAS 19:42 Referans Kwoze

HEBREOS 3:15

Ekeso eñamakxa ektéma nak eknaktáxésamaxche weykcha'áhak se'e: “kélleg'ak agkok kaxwo' kéxegke aptahakxa appeywa Dios, nágkólyennaktés aksa kélwáxok, nágkólteme apkeltémakxa axta ẽlyepmeyk nano' apkenmexeykencha'a axta Dios.”

LOS HECHOS 10:36

Apkelpakhetchesek axta Dios Israel aptawan'ák neptámen, apkeltennásek axta amya'a meyke ektahakxa egwáxok eñama nak Jesucristo, aptaha nak Wese' meyke ekhémo negyeseksa negko'o.

HEBREOS 3:13

Kólpasmaxkoho cha'a ekyókxoho ekhem neyseksa megkamassegwayam makham se'e “ekhem negwánxa nak”, cham'a ekxeyenma nak han eknaktáxésamaxche, yakwayam enxoho megkalyexanchesha kélxama kéxegke m'a mólya'asáxma nak, yakwayam enxoho nahan metnehek meyke apkelyaheykekxoho.

SAN LUCAS 19:44

esawhohok sat epalchesegmak tegma. Esawhohok sat nahan ennápok énxet'ák apheykha nak xa, megyohok sat kathánekxak mók meteymog, hakte megkólyekpelchak kéxegke apwa'a Dios yakwayam elwagkasek teyp kéxegke.”

LOS HECHOS 13:46

Apkeltennáha axta Pablo yetlo megyeye, tén han ma'a Bernabé. Aptahak axta apchátegmowágko s'e: —Neganeyaxcheyk axta negko'o anlegaksek kéxegke amya'a eñama nak Dios, kéxegke kéltaha nak énxet'ák judíos, wánxa agkok sat eyke kaxwo' ampehewakxak negko'o m'a énxet'ák metnaha nak judíos, hakte megkólmenyék kéxegke amya'a eñama nak Dios, megkaxénak nahan kélwáxok ekpayhawo yakwayam kólxawak kéxegke m'a ekyennakte egnenyek megkatnegwayam enéxa nak.

HEBREOS 3:7

Ekeso eñamakxa aptéma nak appeywa Espíritu Santo ekyetna nak eknaktáxésamaxche s'e: “kélleg'ak agkok kaxwo' kéxegke aptahakxa appeywa Dios,

SAN LUCAS 19:41

Apwákxeyk axta Jesús keto' Jerusalén, xama axta apwet'a tegma apwányam, apkelekxagweyha axta apkelano.

SAN LUCAS 19:43

Kawók sat ekhem yakwánxa kóllegásesagkohok kéxegke, yahaxtamok sat neyáwa kélheykegkaxa m'a kélenmexma, ewakhak sat nahan, máxa sat nahan kañék kélyátamáxche kéxegke,