SAN LUCAS 18:31 - Lengua Sur (Enxet) Nuevo Testamento

³¹ Mók nekha axta apkelya'ásak Jesús doce apkeltámeséyak. Aptahak axta apkeláneya s'e: “Jerusalén kaxwo' nelmeyákxak, cham'a yakwánxa sat kasawhaxkohok katnehek ma'a ektémakxa axta apnaktáxeséyak énxet'ák ektaha axta apkellegaso Dios appeywa apxeyenma m'a aptaha nak Apketche énxet.

SAN LUCAS 18:31 Referans Kwoze

SAN MATEO 16:21

Axta apchénhok nahan apkeltennaso Jesús apkeltámeséyak peya emhagkok ma'a tegma apwányam Jerusalén, tén han apkeltennasa peya eñásesagkohok agko' ma'a énxet'ák apkelámha apmonye'e nak kélakneykekxexa, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a apkelxekmóso nak apnámokkok ektémakxa segánamakxa. Apkeltennásek axta anhan peya yakhek xa énxet'ák nak, wánxa agkok, apxénchek axta eyke peya exátekhágwók antanxo ekhem.

SAN LUCAS 9:51

Xama axta eyágketwokmo ekhem yakwánxa emyekxak néten Jesús, xénchek axta apwáxok emyekxak Jerusalén yetlo megyeye.

SAN LUCAS 9:22

Aptahak axta apkeláneya s'e: —Awanhek sat katnehek aplegeykegkoho ektaha nak Apketche énxet, etaknók sat ma'a apkelámha apmonye'e nak apchakneykekxexa énxet'ák judíos, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa. Yakhek sat nahan, wánxa agkok, antanxo ekhem sat eyke exátekhágwók.

SAN MARCOS 8:9

Xegkásók axta emmok cuatro mil apyókxoho énxet ektaha axta aptéyak xa, keñe axta apkeláphasa Jesús xa énxet'ák nak.

SAN MATEO 27:63

Entahak axta amya'a apcháneyákpo Pilato s'e: —Wese', xénwákxók negko'o egwáxok aptémakxa axta appeywa apyennaktamakxa m'a énxet aptaha axta apmopwána amya'a apagko', apxeyenma axta exátekhágwók ekwokmo enxoho antanxo ekhem.

SAN LUCAS 10:30

Aptahak axta apchátegmowágko Jesús se'e: —Apxegkek axta xama énxet apkeñama Jerusalén apmahágko m'a tegma apwányam Jericó, apkeltahanya'awók axta énxet'ák elmasagcha'a apkeltémakxa, apkelyementegkek axta aksok apagkok, wokmók axta apkelyementama apkelnakta; apchakháha axta anhan, yáma apketsapma axta aptemesásak, keñe axta apkelxega.