SAN LUCAS 17:26 - Lengua Sur (Enxet) Nuevo Testamento

²⁶ Sat nahan katnehek ekwokmo sat ekhem yakwánxa ewatak aptaha nak Apketche énxet ma'a aptamheykegkaxa axta énxet'ák aphamakxa axta Noé.

SAN LUCAS 17:26 Referans Kwoze

2 SAN PEDRO 2:5

Apkellegasáseykegkók axta anhan Dios ma'a énxet'ák apheykencha'a axta nano' keso náxop, apcháphásek axta Dios mámeye ekwányam eyahapwa'a xa énxet'ák elmasagcha'a axta apkeltémakxa, Noé axta aksa apxakko' kélwagkasa teyp, cham'a Noé apkeltenneykencha'a axta apxeyenma m'a nentémakxa ekpéwomo nak, siete axta anhan apyókxoho énxet apkelwagkasa teyp Dios.

SAN LUCAS 17:24

Máxa sat katnehek takha' apkelyenma eksawheykekxohol'a elsáseykmohoxma néten, cham'a ekwokmo sat ekhem yakwánxa ewatak ma'a aptaha nak Apketche énxet.

HEBREOS 11:7

Mey'áseyam axta keñamak Noé apkelyahákxoho aptahakxa appeywa Dios, cham'a apchésa axta káhapwak aksok méteya axta katnehek Noé, apkelanak axta yántakpayhe yakwayam elwagkasek teyp ma'a ekheykha apxagkok. Axta nahan keñamak apkelsexnenagkama énxet'ák apheykha náxop Noé xa mey'áseyam nak, apwagkáseykpek axta nahan teyp eñama m'a ektémakxa nak magya'áseyam.

SAN LUCAS 17:22

Aptahak axta Jesús apkeláneya apkeltámeséyak se'e: —Kammok sat ekhem kélmokókxa kólwetak kéxegke ekhem apagkok ma'a aptaha nak Apketche énxet, megkólwetyehek sat eyke.

2 SAN PEDRO 3:6

Mámeye ekwányam axta nahan keñamak apmaséseykmo Dios ekyókxoho aksok ekhéyak axta keso náxop.

SAN LUCAS 18:8

Eltennásek ko'o peya epasmok ekmanyehe agko'. Apkexyekmek sat agkok ma'a aptaha nak Apketche énxet, ¿éteyágwataya sat makham ekyetna magya'áseyam keso náxop?”

SAN LUCAS 17:7

“Yetneyk agkok kélxama kéxegke, apyetna enxoho apchásenneykha apkenyekto enxoho namyep kélagkok natámen appeyncheyam xóp, esenhan ma'a natámen apkeláneseykha enxoho kélnaktóso weyke, megkóltehek kólának se'e: ‘Exnata'e, etwok sat apto’.

SAN LUCAS 17:27

Apteykegkek axta aptéyak énxet, apyeneykegkek axta apyenéyak ekwokmoho m'a aptaxna axta Noé kañe' yántakpayhe, wa'ak axta mámeye ekyawe agko', apsawhekpok axta anhan apkeletsapa xa énxet'ák nak.