SAN LUCAS 16:3 - Lengua Sur (Enxet) Nuevo Testamento

³ Entahak axta elchetamso apwáxok apkemha apmonye wese' apkeláneykha s'e: ‘¿Háxko sat atnehek kaxwo' setekkesa nak wese' ahagkok? Momóhagkók nahan atneykha sektamheykha ekyentaxno nak, amegkeyk nahan aleyxek axkak aksa aksok.

SAN LUCAS 16:3 Referans Kwoze

2 TESALONICENSES 3:11

Nenleg'ak axta negko'o amya'a kélnápakha kéxegke apheykencha'a aksa meyke apkeltamheykha, elya'ammok hek aksa m'a megkapayhawo nak elya'ammok.

SAN JUAN 9:8

Apkelmaxneyáha axta cha'a pók énxet'ák ektaha axta apheykha keto' apxagkok, tén han ma'a énxet'ák ektaha axta apweté cha'a exek nekha ámay eleyxek exkak aksok. Aptahak axta apkelpakmeta s'e: —¿Háweya aphama axta cha'a nekha ámay eleyxek aksok apxawé xa énxet nak?

SAN LUCAS 18:4

Wenaktémok axta memáheyo epasmok énxet segyekpelchémo xa tampe' nak, keñe axta ektemegwokmo elchetamso apwáxok se'e: ‘Magwayék eykhe ko'o Dios, magwanmexmók eykhe anhan apkeltémakxa énxet'ák,

SAN LUCAS 16:22

Xama ekhem axta apketsapak xa énxet meyke aksok apagkok nak, apyentamákxeyk axta anhan Dios apkelásenneykha yakwayam exnésekxak ma'a aphakxa nak Abraham, cham'a yókxexma ektakmelakxa nak. Apketsekkek axta anhan ma'a énxet ekxákma axta selyakye apagkok. Kélatawanyek axta anhan.

SAN LUCAS 16:20

Aphegkek axta anhan xama énxet meyke aksok apagkok apwesey axta Lázaro, sawhomakyek axta apyempehek elánteyapma taskapma, exnakxohok axta anhan cha'a náxop nekha wese' átog apagkok.

SAN LUCAS 12:17

Entahak axta elchetamso apwáxok énxet ekxákma aksok apagkok se'e: ‘¿Háxko sat kexaha atnésesek? Méko seknegkenwánxa aksok ekyexna eknakxamáxche nak.’

SAN MARCOS 10:46

Apkelwokmek axta tegma apwányam Jerico. Xama axta aptepa Jesús nepyeseksa tegma apwányam yetlo apkeltámeséyak, tén han yetlo m'a énxet apxámokma ektaha axta apyetlo, apheyk axta nekha ámay xama énxet meyke apakta'ák apwesey axta Bartimeo, apkelháxanma axta cha'a kólmések aksok, Timeo apketche axta m'a.

LOS HECHOS 9:6

Etnamha, emhok ma'a nepyeseksa tegma apwányam nak; sat kóltennaksek eyéméxchexa nak etnehek xép ma'a.

SAN MATEO 20:8

“Xama axta ekyaktésa, aptahak axta apcháneya wese' apkemha apmonye apkeláneykha s'e: ‘Elwónmakha hana énxet'ák ektaha nak apkeltamheykha, eyánmagkases nahan apkeltamheykha yeynho apmonye'e m'a axayok xeyk apkeltamheykha, keñe sat axayok eyánmagkasesek ma'a apmonye'e exchek apkeltamheykha.’

SAN LUCAS 16:2

Apwóneyha axta wese' apagkok xa apkemha apmonye apkeláneykha nak. Aptahak axta apcháneya s'e: ‘¿Yaksak aksok apkeláneya sekleg'a axta amya'a apxénákpo exchep? Hexekmos ko'o weykcha'áhak ektémakxa axta aptamheykha, hakte kamaskok sat aptaha apkemha apmonye ahagkok xép.

SAN LUCAS 16:4

Ekya'ásegkok kaxwo' yakwánxa atnehek yakwayam enxoho hemok takha' awók apxagkok énxet, cham'a setnaha enxoho meyke sektamheykha.’