SAN LUCAS 16:11 - Lengua Sur (Enxet) Nuevo Testamento

¹¹ Ekhawo ektémakxa nak han ma'a megkóltakmelchesa enxoho kélmeykha kéxegke ekxákma aksok kélagkok nak keso náxop, ekyetnakxa nak mólya'asáxma, méko kának kóltakmelchesek ma'a ektaha nak ekmámnaksoho ekxákma aksok egagkok eñama néten.

SAN LUCAS 16:11 Referans Kwoze

SAN LUCAS 12:33

Kólchexeykxa aksok kélagkok, kólmés ma'a énxet meyke nak aksok apagkok; kóllenxánem kólwetak ma'a yágkentamáhak megkatné nak ápak, tén han kólxámasagkok aksok kélagkok meyke néxa m'a néten, cham'a megkapwagkexa nak etxek énxet apmenyexma tén han megkatamakxa nak cha'a aksok askok.

SANTIAGO 2:5

Elyáxeg selásekhayo, kóleyxho hana s'e: Apkelyésáha Dios ma'a ektaha nak meyke aksok apagkok keso náxop, yakwayam enxoho kayáwak melya'áseyam, yakwayam enxoho nahan exkekxak ma'a aptémakxa nak Wese' apwányam Dios, cham'a apxeyenma axta egkések Dios ma'a ektaha nak apkelásekhayo;

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

SAN LUCAS 18:22

Xama axta apleg'a Jesús xa, aptahak axta apchátegmowágko s'e: —Xama aksok kéméxchek elának xép: ekxeykxa m'a ekyókxoho aksok apagkok ekyetnakxa nak xép, elmés ma'a énxet meyke aksok apagkok nak. Keñe sat keytek xép ekxákma aksok apagkok ma'a néten. Exyem sat makham, keñe sat hétlawha.

SAN LUCAS 16:9

“Eltennásek ko'o kéxegke seltamho kólmaha ekyókxoho aksok kélagkok ekyetna nak keso náxop ekyetnamakxa nak mólya'asáxma, yakwayam enxoho kólxamásekxak kélnámokkok, yakwayam enxoho anhan kólmaxchek takha' kéxegke m'a yakwánxa sat kólhamok meyke néxa, cham'a eksawhéxko enxoho ekyókxoho aksok kélagkok.

APOCALIPSIS 3:18

Ekeso eñamakxa seltennasa nak xép seltamho etegyek sawo ekyátekto elyenma ekmomnáwa kélyamasmol'a neyseksa táxa yakwayam kólyenmaksek, eñama nak ko'o, yakwayam enxoho etnehek xép ekmámnaksoho ekxákma aksok apagkok; emenyék nahan ko'o etegyek xép aptaxno apmopé apkeñama nak ko'o, yakwayam enxoho etaxnekxa', yakwayam enxoho nahan kamaskok etnehek xép meyke apáwa segmegkasamo nak, emenyék nahan ko'o etegyek panakte eñama nak ko'o, yakwayam enxoho eltexnagkok apakta'ák keñe étekxak makháxma exchep.

SAN MATEO 6:24

“Méko kawának kalanha apkánet kélwese'e, hakte kóltaknók ma'a pók, keñe kalkohok kélwáxok ma'a pók, esenhan kóltehek megkólyenyaweykha m'a pók, keñe kólwanyohok ma'a pók. Megkólwanchek kéxegke kólhéshok mók kélyetlo xa ánet nak, Dios tén han selyakye.

SAN LUCAS 16:12

Agkok nahan kóltakmelchásak kélmeykha aksok megkatnaha nak kélagkok, méko kagkések kéxegke aksok ektaha neykhe kélagkok.