SAN LUCAS 15:19 - Lengua Sur (Enxet) Nuevo Testamento

¹⁹ Megkapayhawok heltehek kaxwo' xép apketche; hetnéses ko'o xa m'a aptemésesamakxa nak apkeláneykha.’

SAN LUCAS 15:19 Referans Kwoze

SAN LUCAS 5:8

Xama axta apwet'a Simón Pedro xa, apkeltekxekwokmek axta aptapnák apkenmágkaxa Jesús. Aptahak axta apcháneya s'e: —¡Wese', neyhepetchegwoho aksa, may'asáxma ko'o!

1 SAN PEDRO 5:6

Kólteme cha'a megkóleymáxkoho nápakto' Dios, ekha nak apmopwána hegmeyók, yakwayam enxoho etnésesek kéxegke ekha kéláyo Dios, cham'a ekwokmo enxoho ekhem ekxénakxa apwáxok etnésesek.

1 CORINTIOS 15:9

Ko'o eyke sekteme kóneg nepyeseksa énxet'ák seykha amya'a nak, megkapayhawok nahan altamhaxchek ko'o seykha amya'a, hakte ekmenxeneykha axta Dios énxet'ák apagkok.

SAN LUCAS 15:18

Amyekxak sat makham táta apxagkok, sat atnehek wának se'e: Táta, asagko' ko'o sektahakxa nápakto' Dios tén han nápakto' xép;

SAN LUCAS 15:20

Keñe axta aptakháwo xa wokma'ák nak, apyap apxagkok axta apmeyákxak. “Makhawók axta apwet'ak apkexyekmo apyap xa wokma'ák nak. Apyósek axta apkelanawo. Apketchágkók axta apkelanyexágko, appathetchek axta anhan appetsesa.