SAN LUCAS 14:18 - Lengua Sur (Enxet) Nuevo Testamento

¹⁸ Apyókxoho axta eyke apkelxénak ekyetna elya'asakxaxma. Aptahak axta apmonye kélpakhetcheso s'e: ‘Kaxwo' xeyk ko'o ekmak yókxexma ahagkok, atyánegwomhok sat. Eltennés sat háwe eykhe mapekheykha.

SAN LUCAS 14:18 Referans Kwoze

SAN LUCAS 18:24

Xama axta apwet'a Jesús elapwokmo xa, aptahak axta apcháneya s'e: —¡Askehek yakwayam elántexek aptémakxa Wese' apwányam Dios ma'a énxet'ák ekxákma nak selyakye apagkok!

2 TIMOTEO 4:4

Kamaskok sat yeyxhok ma'a amya'a ekmámnaksoho nak, wánxa sat yeyxhok ma'a ekyókxoho ektémakxa nak amya'a kéltenneykha naksal'a.

SAN JUAN 5:40

megkólmenyék eyke helyo'ótak kéxegke yakwayam kólwetak xa ekyennakte egnenyek megkatnegwayam enéxa nak.

SAN JUAN 1:11

Apwayak axta eykhe apheykegkaxa m'a ektaha nak énxet'ák apagkok, wánxa agkok axta eyke yápeykha m'a ektaha nak énxet'ák apagkok.

SAN LUCAS 8:14

Aktek ekpálwayam neyseksa yanyemmék ekyetchesamaxkoho m'a énxet'ák apkellegé nak amya'a kéllegaso, katakmelchesagkohok eyke kamasésesek apteme melya'áseyam ma'a aksok ekyetnakhasamo nak apwáxók, cham'a apxámáseyak nak aksok, tén han ma'a aksok apyespagkamakxa nak, megkatakmelwomek nahan aptamhéyak melya'áseyam.

HEBREOS 12:16

Nágkólho kamok kélwáxok kélxama kéxegke m'a ekmaso nak nentémakxa mansexta, nágkóltaknaw nahan ma'a ektaha nak ekpagkanamaxche; hakte cháxa aptémakxa axta Esaú xa, cham'a apyakmagkáseykekxo axta nento aksok yakwayam eykhe exkekxa' eñama apteme metnaha apketkok.

2 TIMOTEO 4:10

hakte eñókek aksa ko'o exakko' Demas apmahágko m'a tegma apwányam Tesalónica, hakte apchásekhayók ma'a aksok ekyetna nak keso náxop. Yókxexma Galacia axta eyke apmahágkok ma'a Crescente, keñe axta Tito apmahágko m'a Dalmacia.

SAN LUCAS 14:17

Xama axta ekpenchásexko ekhánamáxche nento, apcháphásek axta xama apchásenneykha yakwayam etnehek apkeltennáseykekxa énxet'ák ektaha axta kéláneyeykha s'e: ‘Kólxegma exnek kaxwo', penchásexchek ekhánamáxche nento.’

SAN LUCAS 14:19

Keñe axta pók aptaha s'e: ‘Kaxwo' xeyke ektegya'ak ko'o diez weyke yakwayam altemésesha, ekmokók eykhe eykkónek. Eltennés sat háwe eykhe mapekheykha.’

FILIPENSES 3:4

Ewanchek eykhe ko'o xa atnehek seyáyo ektémakxa nak elánamáxche xa aksok nak. Méko kawának heyeykhágwomhok ko'o ektémakxa negáyo xa aksok nak: