SAN LUCAS 14:15 - Lengua Sur (Enxet) Nuevo Testamento

¹⁵ Xama axta apleg'a xama énxet apheykha axta nekha mésa xa, aptahak axta apcháneya Jesús se'e: —¡Apkeleñémo agko' énxet appásegwayam nak elánéxchexa nento aptémakxa nak Wese' apwányam Dios!

SAN LUCAS 14:15 Referans Kwoze

APOCALIPSIS 19:9

Aptahak axta seyáneya Dios apchásenneykha s'e: “Etaxés ektéma nak se'e: ‘Apkeleñémo sat énxet ektaha nak kéláneyeykha yakwayam epásegwók Nekkések Apketkok elyamhopma.’ ” Axta nahan aptahak seyáneya s'e: “Cháxa amya'a ektaha nak ekmámnaksoho agko' eñama Dios xa.”

SAN LUCAS 22:30

kóltawagkok sat kéxegke kéltéyak nekha mésa m'a sektémakxa nak ko'o Wese' apwányam, kólyenagkok sat nahan kélyenéyak; kólhakha sat nahan néten taháno eltakmela yakwayam kóltehek kélyekpelchémo m'a doce pók aptémakxa énxet'ák Israel nak.”

SAN LUCAS 13:29

Hakte elwak sat énxet'ák apkeleñama nexcheyha, nepyeyam, teyapmakxa ekhem, tén han ma'a taxnegwánxa ekhem, yakwayam exmakha etawagkok aptéyak ma'a aptémakxa nak Wese' apwányam Dios.

SAN MATEO 25:10

Apwakteyk axta yakwayam kalyamhápok neyseksa elxega xa cinco kelán'a étkók nak ektegyagwákxo chálewaso égmenek, keñe axta elántaxna kañe' tegma yetlo kaxwé yakwayam kalyamhápok ma'a kelán'a étkók ekpenchesamo axta eláneykekxa ektahakxa. Keñe axta kélapeykxo átog.

SAN LUCAS 12:37

Apkeleñémo apagko' wese' apkeláneykha apwakto enxoho m'a wese' apagkok, cham'a apwetágwakto enxoho menaktena. Yának sat nahan exmakha wese' apagkok ma'a nekha mésa, keñe sat elagkok aptéyak. Nakso' xa sektahakxa nak seláneya kéxegke.

SAN MATEO 8:11

Eltennásek ko'o kéxegke peya elwak énxet apkeleñama ekteyapmakxa ekhem tén han ma'a ektaxnegwánxa ekhem, exmakha sat xamo' nekha mésa Abraham, Isaac, tén han Jacob, cham'a aptémakxa nak Wese' apwányam Dios.

SAN LUCAS 22:16

Hakte eltennásek ko'o peya malánekxók cha'a nento mólwagkayam nak ekhem Pascua ekwokmoho ektaha m'a aptémakxa nak Wese' apwányam Dios.