SAN LUCAS 13:32 - Lengua Sur (Enxet) Nuevo Testamento

³² Aptahak axta apchátegmowágko Jesús se'e: —Kóltakhoho, kólteme kóltennásekxak yemmáleg se'e: ‘Elano, sakhem selántekkesa ko'o kelyekhama', saka sat nahan, eltakmelchesekmek nahan elháxamáxche, mók ekhem sat apenaksek xa.’

SAN LUCAS 13:32 Referans Kwoze

HEBREOS 2:10

Ekyókxoho aksok ekheyegko nak ekteme Dios apagkok, Dios nahan apkelané, cham'a Dios apkeltémo nak kawakxohok apyókxoho apketchek ma'a ektémakxa nak apcheymákpoho. Ekeso eñamakxa ekpayhawo axta etnésesek ekpéwomo aptémakxa Cristo eñama m'a aplegeykegkoho axta, aptaha nak han apkelwagkaso teyp apyókxoho énxet'ák.

HEBREOS 5:9

Xama axta apsawhawo apkelana Cristo m'a yakweykenxa axta elána' eñama apteme xa ektaha nak, aptemék axta eñamakxa apkelwagkásamap teyp megkatnegwayam enéxa apyókxoho énxet ektaha nak apkelyaheykekxoho.

HEBREOS 7:28

Kalyésha cha'a Moisés segánamakxa apagkok, yakwayam katnésesek apkelámha apmonye'e appasmo apkelmaxnéseso Dios énxet'ák apagkok ma'a énxet'ák megkalpéwomo nak apkeltémakxa; keñe m'a ektaha axta apteméseso ekmámnaksoho Dios elyeseyncha'a yakwayam etnehek apkemha apmonye appasmo apkelmaxnéseso Dios énxet'ák apagkok ma'a Apketche, cham'a, kéltemésesama axta ekpéwomo aptémakxa megkatnegwayam enéxa, cháxa elánamáxche axta natámen segánamakxa xa, apteméseso nak ekmámnaksoho appeywa Dios apxeyenma Jesús.

SAN JUAN 10:32

wánxa agkok, aptahak axta apkeláneya Jesús se'e: —Elanak ko'o ekyókxoho aksok eltakmela kélnápakta'awo' kéxegke eñama Táta apmopwána; ¿yaksa eñama selané xa kélmoko nak helyetnak meteymog kéxegke?

SAN MARCOS 6:14

Apleg'ak axta amya'a wese' Herodes apxénákpo Jesús, hakte payhekxeyk axta amya'a apxénamap Jesús ekyókxoho yókxexma. Aptahak axta Herodes se'e: —Juan el Bautista apxátekhágwokmok, la'a apkepwagko nak apkelana aksok sempelakkaso nak agweta'.

SAN JUAN 19:30

Apyenchek axta Jesús xa anmen ekmanyása nak, aptahak axta appakmétencha'a s'e: —Penchásexchek elánamáxche. Keñe axta ekwéweynto apkátek apketsapa.