SAN LUCAS 13:31 - Lengua Sur (Enxet) Nuevo Testamento

³¹ Apkelwokmek axta anhan nápakha énxet'ák fariseos. Aptahak axta apcháneya Jesús se'e: —Emhok sat mók nekha, Herodes apmokók yakhek xép.

SAN LUCAS 13:31 Referans Kwoze

SAN MATEO 14:1

Apleg'ak axta Herodes ekxénáxko aksok apkelané Jesús. Herodes axta wese' m'a yókxexma Galilea.

SAN LUCAS 3:1

Quince apyeyam axta weykmok apteme wese' apwányam Roma m'a Tiberio, keñe axta Poncio Pilato aptaha wese' apchásenneykha apkeláneykha yókxexma m'a Judea, keñe axta Herodes aptaha wese' m'a Galilea, keñe axta apyáxeg Felipe aptaha wese' m'a Iturea tén han ma'a Traconite, keñe axta Lisaneas aptaha wese' m'a Abilinia.

SAN MATEO 14:3

Herodes axta apkeltémo emakpok Juan tén han apkeltémo kólyentemekxa yetlo kélpextete cadenas ma'a sẽlpextétamakxa. Kelán'a ekwesey Herodías axta keñamak aptaha Herodes xa, ektaha axta aptáwa m'a apyáxeg apwesey axta Felipe.

SAN MATEO 14:6

Wokmek axta ekhem apteyekemxa wese' Herodes, néweyha axta Herodías étche nápakta'awo' énxet'ák ektaha axta apkeláneyeykha Herodes, leyawók agko' axta apwáxok Herodes,

SAN LUCAS 9:7

Apleg'ak axta amya'a Herodes apxénákpo Jesús tén han ma'a ekyókxoho aksok apkelané axta Jesús; axta ey'ásegkok ektahakxa elchetamso apwáxok, hakte nápakha énxet axta apxénak apxátekhágwokmo Juan,

SAN LUCAS 23:7

Xama axta kéltennasa aptaha apkeñama Galilea, apcháphásek axta aphakxa Herodes, aptaha axta wese' apchásenneykha apkeláneykha yókxexma Galilea, chakhawók axta anhan apmahágkaxa Herodes ma'a tegma apwányam Jerusalén.