SAN LUCAS 12:57 - Lengua Sur (Enxet) Nuevo Testamento

⁵⁷ “¿Yaksak ektaha megkólewagko nak kólyekpelkohok kélagko' ma'a aksok ekpayhawo nak anlának?

SAN LUCAS 12:57 Referans Kwoze

SAN JUAN 7:24

Nágkólteme aksa kélyekpelchémo kéxegke m'a aksok kéláneyakxa enxoho katnék. Kéltemék agkok cha'a kélyekpelchémo, kóltakmelcheshok cha'a kélteme kélyekpelchémo.

1 CORINTIOS 11:14

Nentémakxa eyke keñamak senxekmóso segmegkasamo elwenaktések apwa' énxet.

SAN LUCAS 21:30

Kélwet'ak agkok ektepékxo axnagkok áwa', kólya'asagkohok kéxegke eyágketwokmo ekméxanmakxal'a.

SAN MATEO 21:32

Hakte apwa'ak axta Juan el Bautista apkelxekmósa kéxegke eyéméxchexa nak kóltehek nápakto' Dios, kélya'aseykmek axta eyke; keñe axta melya'aseykmo m'a énxet'ák apkelmomo nak selyakye yakwayam egkések wese' Roma, tén han ma'a kelán'ák ekyakmagkáseyak nak pók énxet ekpathetéyak ektegye selyakye. Wánxa agkok, kélwetayók axta eykhe kéxegke ekyókxoho xa, axta eyke kólyakmagkasók ektémakxa elchetamso kélwáxók yakwayam megkólya'aseme'.

LOS HECHOS 2:40

Cháxa aptahakxa axta apkeltennaso Pedro xa, tén han ma'a mók xama amya'a aptahakxa axta appeywa, apkelpakhetchesek axta Pedro énxet'ák. Aptahak axta apkeláneya s'e: —¡Nágkólpaxkaha aksa énxet ekmaso nak apkeltémakxa!

SAN MATEO 21:21

Aptahak axta apchátegmowágko Jesús se'e: —Yetneyk agkok kéxegke megkólya'áseyam, cham'a megkólya'ásekmo enxoho, kélwanchek kóltehek xa sektemésesakxa exchek ko'o higo yámet, kélwanchek nahan kóltehek kólának egkexe s'e: ‘Kapatyep xa, kataxnegwom wátsam ekwányam’, katnehek han xa.

1 CORINTIOS 11:13

Kéxegke kélagko' nahan tásek kólyekpelkohok ektakmela enxoho kelán'a katnehek nempeywa nelmaxnagko, meyke eyaklaso akkátek xama enxoho.