SAN LUCAS 12:42 - Lengua Sur (Enxet) Nuevo Testamento

⁴² Aptahak axta Wese' egegkok se'e: “Enxet kélásenneykha meyenseyam nak aptamheykha, tén han ma'a apya'áseykegkoho nak aksok, cham'a apchásenneykekxohol'a wese' apagkok eltakmelchesesek ma'a apkeláneykha apheykha nak apxagkok, yakwayam enxoho elmésagkok aptéyak ekwokmo enxoho apteykegkaxa aptéyak.

SAN LUCAS 12:42 Referans Kwoze

HEBREOS 13:17

Kólyahakxoho cha'a m'a aptaha nak apkelámha apmonye'e kélagkok kélakneykekxexa. Kólteme cha'a m'a aptemésesakxa enxoho. Hakte mellókaseykmok apkelyampé apkeltakmelchesama kéxegke xa énxet'ák nak, apkelya'ásegkok nahan peya eltennaksek Dios ma'a ektémakxa nak apkeltamheykha. Nágkóltemésesamhóxma neyseksa apkeltamheykha, yakwayam enxoho kalpayhekxak apwáxók neyseksa apkeltamheykha. Hakte megkapasmek kéxegke m'a ektahakxa enxoho apkeltamheykha xa énxet'ák nak, cham'a kellapwagkasa enxoho.

HEBREOS 13:7

Kaxén kélwáxok kéxegke m'a ektaha axta apkelámha apmonye'e kélagkok kélakneykekxexa, cham'a apkellegasama axta kéxegke amya'a eñama nak Dios; Kaxén kélwáxok kéxegke aptamheykegkaxa axta ekwokmoho apkeletsapma, kólyetlakxa m'a ektémakxa axta melya'áseyam xa énxet'ák nak.

1 TIMOTEO 5:17

Enxet'ák apkelwányam ektaha nak aptakmelchesamo apkelmeykha apnámokkok kélakneykekxexa, kéméxchek keytek ekyawe kéláyo, ekyagwánxa agkok ma'a énxet'ák apkeltenneykha nak tásek amya'a, cham'a apkelxekmósamol'a apnámokkok.

1 SAN PEDRO 4:10

Kéméxchek cha'a kólmaha kéxegke yakwayam kólpasmok kélmók ma'a kélmowána kélxawé axta eñama Dios, ekhawo apkeltémakxal'a énxet'ák apkeltakmelchesamo nak apkelmeykha m'a apkelmopwancha'a apkelxawéyak axta eñama Dios.

TITO 1:7

Enxet apteme nak apkemha apmonye kélakneykekxexa, elának cha'a m'a aptamheykha eñama nak Dios, ékeso eñamakxa eyéméxko nak etnehek ekpéwomo aptémakxa. Megkapayhawok etnehek ekyennakte apwáxok, megkapayhawok nahan etnehek ma'a ekmanyehe nak elwok, megkeyméxchek nahan etnehek ma'a anmenáto nak, metnehek nahan ma'a megyéso nak elwok, metnehek nahan ma'a ekmaso nak aptémakxa yepmenyéhok selyakye.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

SAN MATEO 20:8

“Xama axta ekyaktésa, aptahak axta apcháneya wese' apkemha apmonye apkeláneykha s'e: ‘Elwónmakha hana énxet'ák ektaha nak apkeltamheykha, eyánmagkases nahan apkeltamheykha yeynho apmonye'e m'a axayok xeyk apkeltamheykha, keñe sat axayok eyánmagkasesek ma'a apmonye'e exchek apkeltamheykha.’

HEBREOS 3:5

Ekeso eñamakxa meyenseykmo axta apkelané Moisés ma'a apkeltémókxa axta etnehek Dios, appasmoma m'a Dios énxet'ák apagkok nak, axta apxeyenmak cha'a Moisés ma'a yakwánxa nak etnehek appeywa Dios. Axta entemék aptamheykha Moisés xa.

1 TIMOTEO 3:15

yakwayam enxoho ey'asagkohok xép ma'a nentémakxal'a nepyeseksa Dios énxet'ák apagkok, ektaha nak Dios megyetsapma énxet'ák apagkok, cham'a énxet'ák appasmoma nak apmasma m'a amya'a ekmámnaksoho nak, cham'a sekyeykhasa enxoho yakwánxa awatak xa.

SAN LUCAS 7:13

Xama axta apwet'a Wese' egegkok ma'a tampe' nak, ayósek axta apkelano. Aptahak axta apcháneya s'e: —Nágkalekxagwaha.

SAN MATEO 13:52

Keñe axta aptaha apkeláneya Jesús se'e: —Apkeltámesamakpek agkok énxet apkelxekmóso nak apnámokkok ektémakxa segánamakxa m'a aptémakxa nak Wese' apwányam Dios, máxa etnehek ma'a énxet ekhal'a apxagkok, ey'asagkohok elhexyawásekxak ma'a aksok axnagcha'ák, tén han ma'a aksok apák nak, cham'a apnegkenmakxal'a aksok apkeltakmelcheso.

SAN LUCAS 7:19

apkeláphásek axta anhan aphakxa Jesús, yakwayam etnehek apkelmaxneyeykha s'e: —¿Xépya nakso' apxénamakpo axta ewa', pók énxet enxeykel'a makham anleyxek?

SAN LUCAS 12:43

Apkeleñémo agko' énxet kélásenneykha apwetágweykxo enxoho wese' apagkok apkelana m'a apkeltamhókxa axta etnehek.