SAN LUCAS 11:48 - Lengua Sur (Enxet) Nuevo Testamento

⁴⁸ Kéltemék agkok cha'a xa, keykpelchaxkohok cha'a ekleklamo kélwáxok aptamheykegkaxa axta kélyepmeyk nano', hakte axta apkelnapma m'a, keñe kéxegke kéllánesa takhaxpop apagkok.

SAN LUCAS 11:48 Referans Kwoze

SANTIAGO 5:10

Elyáxeg, kólyetlakxa kéxegke ektémakxa axta apkelenmáxamákpoho apkellegeykegkoho énxet'ák ektaha axta Dios appeywa apkellegaso, cham'a apkelxeyenmo axta cha'a amya'a eñama nak Dios.

SAN MATEO 23:31

Kélyekpelchágwokmek kéxegke aptaha apkelnapma Dios appeywa apkellegaso m'a kélyepmeyk nano' kéxegke, cháxa kéltahakxa nak kélpeywa.

SAN MATEO 23:27

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa!, hakte máxa kéxegke tegma apketkók takhaxpop kélmópesamol'a, aptásek katnehek apyempe'ék, keñe m'a kañe', kalánhok apexchakkok ma'a ektaha nak apkeletsapma, tén han ma'a ekyókxoho ektémakxa nak ektahapma.

SAN LUCAS 11:47

“¡Kéxegke laye kéltaha nak kélláneso takhaxpop apagkok ma'a énxet'ák apkellegaso axta Dios appeywa, cham'a kélyepmeyk nano' axta apkelnapma!

SAN LUCAS 11:49

“Ekeso eñamakxa aptaha axta appeywa Dios yetlo apya'áseykegkoho s'e: ‘Aláphaksek sat ko'o énxet'ák apkellegaso nak sekpeywa, tén han ma'a énxet'ák seykha amya'a ahagkok nak, etekyók sat eyke nápakha xa énxet'ák nak, kólmenxenmakha sat nahan nápakha.’

ROMANOS 1:32

Apkelya'ásegkok nahan apxeyenma Dios eyéméxko eletsapok énxet'ák ektaha nak apkeláneyak xa aksok nak; wánxa agkok, apkelenxáneykmek eyke aptamhéyak xa ektaha nak, kalkohok nahan cha'a apwáxók étak etnahagkok énxet xa ektaha nak.